LocalPolicialFeatured

Traha hunto ta e forsa pa logra, Inmigracion Aruba, GNC, DBB y DIMAS ta un parti di cadena di stranheria (vreemdelingeketen) importante pa Aruba

Guarda Nos Costa

Den cuadro di celebracion di 53 aña di existencia EAnews a entrevista hefe di departamento di Guarda nos Costa Richard Kramers  mirando cu GNC ta un departamento cu ta traha hunto y hopi estrecho cu Inmigracion.

E dos departamento nan aki no por funciona sin otro. E cadena di stranheria (vreemdelingeketen) ta encera di tres Partido cu primordialmente ta hunga un rol, sinembargo tin mas departamento cu ta hunga un rol den full e keten, pero esnan primordial ta Inmigracion Aruba, Guarda nos Costa y DIMAS. Ta trata aki di e cuatro T  cu ta trata Toelating, Terugkeer,Toezicht y Toegang.

Toelating ta admision esey ta significa na momento cu un persona yega na airport e ta keda permiti segun leynan cu e por drenta Aruba como turista. Si e persona su pais ta rekeri un VISA e ora ey e mester tin un VISA y sin e VISA e no lo por a check in na e pais unda cu e mester a pidi e VISA. E VISA cu ta keda pidi pa Aruba hopi biaha ta keda pidi na embahado Hulandes na e pais unda cu e persona ta, sea cu ta na Caracas, Republica Dominicana,Washington na Merca y na Colombia

Riba e parti di Terugkeer ta deportacion di e persona cu a keda illegal riba e isla. Loke ta trata e parti di Toezicht ta control riba e parti extrangeria cu ta e parti di Inmigracion. Esaki ta cay pa e personanan cu ta drenta Aruba y cu ta haya un cantidad di dia y nan ta keda den e isla pasando nan dianan. E parti ultimo cu ta e parti toegang ta e parti di integracion cu ta cay bao di DIMAS.

Den e 4 T nan aki dos di nan ta conta pa Guarda nos Costa cu ta Terugkeer y Toezicht. Esaki ta pone cu Toezicht Guarda nos Costa tin cu percura pa e personanan cumpli cu e ley nan di admishon na Aruba cu ta e LTU y alabes mester percura pa Terugkeer si e persona surpasa e cantidad di dianan cu e la haya pa keda na Aruba.

E parti di Toelating ta cay bao di Inmigracion na airport unda cu nan ta controla paspoort, si e persona tin VISA y tambe loke cu ley ta exigi, si e persona tin sierto cantidad di placa pa e cantidad di dianan cu e ta keda na Aruba.

Tin situacion nan cu ta presenta cu ta cay bao di INAT, hopi biaha e persona nan cu tin INAD ( inadmissible) ta resulta na Guarda nos Costa. Esaki ta trata di un situacion cu na momento cu un persona ta yega Aruba pa un of otro motibo tog a resulta cu su VISA of visa di transito  y paspoort  sea cu a caduca of no ta valido ta condicion nan cu ta pone cu door di e pais e no ta wordo permiti. Si no tin luga riba vuelo riba e mes un dia e persona ta keda entrega na Guarda nos Costa y e ta keda den detencion te dia cu tin un vuelo disponibel.

Hopi pais tin un vuelo hopi biaha un bes pa dia esey ta pone cu e persona ta keda un anochi y e siguiente dia e ta bay bek na e pais di unda cu e la bin.

Guarda nos Costa tin trabaonan hopi estrecho cu Inmigracion Aruba y DIMAS. Sinembargo tambe GNC tin e trabaonan na momento cu tin vuelonan di repartricion, unda  ta percura hunto cu Inmigracion Aruba pa pone e persona nan aki riba vuelo y percura pa tur nan document nan na tempo y expulsanan for di Aruba. Sinembargo no ta GNC so tin e autoridad aki , pero Inmigracion tambe.

Un persona cu keda mas di su dianan cu a la bin pa keda presenta na aeropuerto despues cu su tempo a pasa e personal di Inmigracion ta autorisa abase di e tabel cu ta keda uza cuanto tempo e ta keda expulsa di Aruba.

Di e manera aki e trabaonan di Guarda nos Costa y Inmigracion Aruba ta bay man den man cu otro. GNC tin un bon relacion cu e personal di Inmigracion unda cu tin bon cooperacion y na momento cu tin mester di informacion ta haya esaki tambe. E compartimento di informacion ta visa versa y ta cana hopi bon na bienestar di Aruba su proteccion.

E otro departamentonan cu tambe ta bin aserca y ta forma parti di e cadena di stranheria (vreemdelingeketen) pa menciona un par, ta trata aki di Kustwacht, KPA , Censo, Directie Buitenlandse Betrekking cu tambe ta hopi importante cu hopi biaha na momento cu tin un persona y cu mester comunica cu su pais e ta pasa door di Directie Buitenlandse Betrekking, mayoria di e personanan aki ta INAD cu ta bini y nan documentonan no ta na ordo y ta haci e proseso  sea tin luga riba e mes un dia e ta bay bek of  e sigiente dia mes e ta sali pa su pais cu ayudo di Buitenlandse Betrekking.

Tur consulado y bahadanan ta importante y ta comunica cu nan diariamente pa asina manda e persona pa su pais bek.

Trahando conhuntamente cu otro y mantene na e structura fuerte ta hopi inmoprtante, pesey mes ta felisita departamento di Inmigracion cu nan bon trabao y aporte pa pais Aruba unda cu nan trabao ta hopi importante pa siguridad di Aruba. Un pabien na full personal di departamento di Inmigracion Aruba cu nan 53 aña di existencia

Related posts

Minister-President Evelyn Wever-Croes y Minister Xiomara Maduro a haci entrega di e bandera oficial di Aruba na Scout Aruba pa hisa durante e acto protocolar

EA News Author

Hulanda ta anuncia cu ta pone 200 miyon euro disponibel pa paisnan den Reino

EA News Author

Presentacion di Buki pa Mucha pa medio di Digiboards

EA News Author

Leave a Comment

Whatsapp Message