Economia familiar di un pais no ta aplicabel solamente pa un grupo chikito, pero na momento cu ta aplike pa un crecemento completo di un pais esey ta e modo corecto.
E forma di aplica un economia cu ta hiba nos na crea un mentalidad materialista den un comunidad ta robes. Awe por mira esaki claramente mirando tur e casonan cu tin unda cu bendemento di tereno a tuma luga y e economia tabata drei solam ente pa un grupo chikito. Esaki ta aplicacion robes di e filosofia segun expertonan economico cu ta bisa cu tin cu inverti den economia, y si Aruba mester haci e fayo aki atrobe Aruba lo ta den problemanan grandi.
Lamentablemente tempo di gabinete Mike Eman na 2010 ta na mando a busca un forma pa desvia di un proposito cu tabata hancra unda cu nan a desvia di dje pa aplica e supuesto crecemento economico. Aki ta caminda cu Aruba a yega na un desaster financiero cu a hinca Aruba den hopi problema. Sinembargo por mira cu den un mocion cu nan a forsa un parlamento di nan den e tempo ey AVP a desvia di un suma di 152.8 miyon disponibel pa inveri na fondonan manera educacion 76 miyon, social 37 miyon, salud 10 miyon. E mocion cu a keda uza ta bisa claramente considerando cu FDA tin 152.8 miyon disponibel pa inverti e deseo di gabinete Mike Eman ta pa trece cambio den meerjarenplan y pa bin cu un meerjarenplan nobo.
E cambio di e meerjarenplan cu AVP a haci e realidad ta cu no a pone educacion, social y salud pa nos ciudadanonan como prioridad pero a pone e placa den hugo office, green energie unda cu nan a trece solamente 2% di locual Aruba ta consume na energia. Lamentable ta cu e 152.8 miyon tabata destina pa situacion social delicado na Aruba y pa nos hobenan AVP a opta kita esaki di e pueblo y hinca e placa den proyectonan cu no ta prioridad pa Aruba. Awe por mira cu e problemanan cu Aruba ta enfrentando unda cu AVP a cambia destinacion di un fondo unda cu e uze pa malgasta placa di pueblo y lagando atras e consecuencianan cu nos tur ta bibando awe. Cu esaki Parlamentario Hendrik tevreden ta desea minister encarga hopi sabiduria y perserveransa mirando cu apesar den e situacion cu Aruba ta nos mester sigui adilanti y cu perserveransa y keda fiha den e mes un direccion lo por mira un mehoracion.