PoliticaFeaturedLocal

Minister Dangui Oduber: Tur indicacion ta mustra cu Aruba su awanan NO ta contamina

Openbare Vergadering Raport Carmabi.2

Minister di Turismo y Salud Publico Sr. Dangui Oduber conhuntamente cu Minister di Transporte, Integridad, Naturalesa y Asuntonan di Adulto Mayor Sr. Ursel Arends y Minister-President, Asunto General, Innovacion, Organisacion Gubernamental, Infrastructura y Planificacion Teritorial Sra. Eveline Wever-Croes tabata tabata den Parlamento di Aruba pa un reunion publico. Den e reunion publico aki Minister Oduber a contesta diferente pregunta y a debati riba e asunto di RWZI y tambe e raport di CARMABI cu a wordo publica na 2019.

Minister Oduber ta na altura cu esaki ta un tema hopi delicado y sensitivo cu tin e prioridad di gobierno y pesey na un forma transparente e mandatario a sa di contesta tur e diferente preguntanan cu a ser dirigi na dje for di diferente Parlamentarionan. Minister Oduber ta lamenta si e actitud negativo cu cierto Parlamentario di oposicion tin, caminda nan kier crea un impresion y imagen totalmente ironio cu sigur ta perhudica nos turismo.

Segun Minister Oduber locual mastanto a keda señala den Parlamento ta e hecho cu e awanan rond di Aruba ta contamina y ta un peliger pa esnan cu ta haci uzo di dje. A ser bisa cu ta peligroso pa nos localnan y turistanan cu ta haci uzo di nos lamanan, Minister Oduber a enfatisa cu esaki no ta e caso y no ta e realidad. E mandatario a menciona cu como Minister di Salud Publico e ta garantisa e comunidad di Aruba cu e awa nan ta sigur pa landa aden. E mandatario a sigui bisa cu e unidad di DVG di Dienst Warenkeuring en Hygiëne (DWH) tur luna ta tuma muestra (sample) di e lama nan, dam nan y e RWZI nan rond di nos isla.

E muestranan aki ta keda procesa pa e laboratorio di hospital cu ta certifica pa ISO y ta acredita na Hulanda. Tur luna DWH ta controla si nos awanan (bacteriologico, no Chemisch) ta wordo contamina y esaki ta sosode na diferente punto riba nos isla y na un forma regular, di tur e muestranan cu a keda colecta te awor por conclui cu no tin contaminacion den ningun di nos awanan. (Si Tabata tin algun contaminacion DWH lo a tuma medidanan, pero esei te ainda no ta e caso)

Esaki ta e siguiente puntonan cu DWH ta controla:

Zeewater                                           Riool Water                                      Irrigatie Water

-Baby Beach                                     -RWZI Zeewijk                                  -Dam Cas Ariba

-Zeewijk                                             -RWZI Parkietenbos                        -Dam Palo di boonchi

-Seroe Colorado                              -RWZI Bubali                                     -Dam di Hooiberg

-Boca Grandi                                                                                                 -Dam di Rooi Afo

-Brisas del Mar                                                                                            -Dam di Noord

-Santo Largo                                                                                                 -Dam di Tanki Flip

-Pier Mangel Halto                                                                                     -Dam di Tanki Leendert

-Palm Island                                                                                                  -Dam di Vader Piet

-Varadero

-Lagoen O’stad

-Tamarijn

-Eagle Beach

-Lama banda di Bubali Plas

-Palm Beach

-Arashi

 

Segun Minister Oduber cu basa riba e data di analisis di awa por bisa cu no por papia di awa di lama contamina y cu no tin peliger pa salud publico. Banda di esei e piscanan cu nos ta come ta wordo pisca den lama profundo hopi kilometers leu for di e costa, asina e mandatario a splica.

Minister Dangui Oduber ta lamenta e sensacion cu oposicion kier crea, e mal informacion cu nan ta transmiti pa nos localnan y especialmente nos turistanan. Di manera aki purba crea un imagen negativo pa pais Aruba, Minister Oduber ta di pensamento cu ta hendenan cu tin rabia riba pais Aruba so tin e pensamentonan aki.

Related posts

Minister di husticia y asuntonan social : Awe por mira e frutonan di un maneho responsabel di cada minister di Aruba

EA News Author

Pa luna di juni SVb ta registra 1663 aplicacion pa subsidio di salario

EA News Author

Sabiduria den nos Alegria: Ruthy”Lady Ruth” Vrieswijk-Bergen

EA News Author

Leave a Comment

Whatsapp Message