Pasaheronan biniendo Boneiru for di Kòrsou, Aruba i Sint Maarten, no mester di hasi un tèst antigéniko mas. Un resultado negativo di PCR tèst 72 ora promé ku yegada, ta keda un eksigensia pa drenta Boneiru. Pronto lo tuma desishon si ta laga personanan for di Kòrsou, Aruba i Sint Maarten, ku a bakuná dos biaha, bini Boneiru sin ku tin ku hasi un tèst.
Pa pasaheronan biniendo Boneiru for di Hulanda nada no ta kambia. Nan tin ku mustra resultado negativo di un tèst antigéniko i PCR na yegada.