Minister di Finansa, Hon. Marinka Gumbs a haci un yamada na e sector postal pa bay mas leu cu servicio di post tradicional y posiciona su mes como un parti clave di e infrastructura di economia digital. “Nos mester stop di pensa riba nos mes solamente como transportadonan di carta y cuminsa mira nos mes como arkitectonan indispensabel di e weso di lomba fisico di e economia digital,” el a bisa durante e Reunion Strategico di Expertonan di Servisio Postal cu a tuma luga recientemente na Simpson Bay Resort na St. Maarten.
Dunando remarcanan na e evento, e Minister a reflexiona riba su propio historia den e sector postal. El a bisa cu prome cu el a asumi e cartera di Minister di Finanzas, el a sirbi y dirigi Servicio Postal di St. Maarten. “E experencia ey a funda mi den e realidadnan diario di logistica, entrega na ultimo miya y e importancia crucial di conectividad.”
Awor mirando e industria a trabes di un lens di desaroyo financiero y nacional mas amplio, Gumbs a enfatisa cu e rol di e oficina di post ta leu di ta anticua. “Mi perspectiva nobo ta enfatisa solamente un berdad profundo: e oficina di post, leu di ta un servicio anticua, ta en realidad un activo nacional strategico cla pa reinversion profundo.”
El a destaca tendencianan mundial, señalando cu mientras cu e volumennan di post tradicional ta sigui baha, e explosion di comercio electronico y logistica ta presenta oportunidadnan grandi. “E interupcion aki no ta un menasa; e ta nos mandato. Nos mester stop di pensa riba nos mes solamente como partidonan di carta y cuminsa mira nos mes como arkitectonan indispensabel di e weso di lomba fisico di e economia digital.”
E la bisa u diversificacion ta esencial pa sostenibilidad financiero a largo plaso. “Generalmente, nos oficinanan di post tin den posicion e red fisico mas exstens y di confiansa den tur hurisdiccion cu nan ta sirbi. E red ey ta infrastructura y infrastructura tin balor.”
E la urgi e delegadonan pa enfoca riba tres pilar principal durante e reunion di dos dia. E prome ta Modernisacion Financiero. El a bisa cu e oficina di post mester bira un berdadero enabler di fintech y a encurasha exploracion di asosiacionnan di micro-prestamo, distribucion di seguro, verificacion di identidad digital y servicio financiero sigur pa comunidadnan cu no ta haña suficiente servicio.
Un otro pilar ta Logistica y Tecnologia Optimalisa. El a boga pa planificacion di ruta impulsa pa inteligencia artificial, sistemanan di rastro avansa y asosiacionnan di servicio comparti pasobra “e poder ta den nos red colectivo, no den sistemanan isola.”
Tambe el a menciona sostenibilidad y impacto comunitario. Gumbs a impulsa operacionnan mas ecologico y espacio comunitario multifuncional, puntra, “con nos por uza nos espacio fisico miho pa ofrece servicio nobo cu ta atende cu e necesidadnan social, manera lockers di pakete sigur, incubador di negoshi, of hasta kiosconan di servicio gobernamental?”
Posicionamento di St. Maarten como un tereno ideal pa prueba innovacion, el a bisa, “Mi ta urgi boso pa mira nos isla no como un entidad chikito y insignificante, sino como un actor importante den e subregion aki, ofreciendo un plataforma unda modelonan postal innovativo por wordo pilot, test y escala. Nos mester sali for di e reunion aki no solamente cu ideanan, sino cu kadernan conkreto y excionabel pa inversion y colaboracion.” El a anima e participantenan pa analisa caso di negoshi, identifica retorno, y compromete nan mes na invercionan di termino largo cu lo transforma e sector den “e motor di cresemento economico cu e ta destina pa ta”.
El a elogia BTP y e director general interino, Judianne Hoeve-Labega, “pa a trece e conferensia strategico di negoshi di servisionan postal internacional vital aki na St. Maarten.”
Press release: Gobierno di Sint Maarten