Politica

Minister Endy Croes a reuni cu sr. John Fearnow

Minister Endy Croes A Reuni Cu Sr. John Fearnow

Recientemente, Minister di Enseñansa y Deporte Endy Croes a ricibi bishita di Sr. John Fearnow di Merca, kende hunto cu su esposa ta eherce e deporte di rolschaats artistico. Nan tabata forma parti di Fédération Internationale de Roller Sports y a yega di participa den diferente competencia di rolschaats. E pareha deportista aki tin un negoshi di rolschaats na Merca, Skate-A-Way South, cual ta brinda diferente servicio, entre otro, ta duna les di rolschaats, ta huur sapato di rolschaats y ta huur pista pa schaats . Ademas, nan tin diferente pakete pa fiesta y ta organisa diferente tipo di fiesta pa esnan cu ta desea di celebra nan cumpleaño di e forma aki. Banda di esaki, nan tin un negoshi di paña deportivo, The Cricket Loft, cual ta borda paña pa USA Roller Sports. Señor y Señora Fearnow ta bibando pa varios aña caba na Aruba y durante e reunion cu Minister Endy Croes a presenta nan deseo pa habri un negoshi di rolschaats aki na Aruba. Actualmente, nan ta den e fase di exploracion, wak e facilidad- y leynan di Aruba. Nan tin deseo di haci un “try out” di 6 luna pa analisa e interes di schaatsmento aki na e isla. Pues, ohala cu mas adelante, por scucha mas di e iniciativa aki.  

Related posts

Minister Xiomara Maduro a reuni cu e ‘Fiscal Affairs Department’ di IMF pa asistencia technico riba diferente tema

EA News Author

Parlamentario Edgard Vrolijk di MEP: Un voto pa Mike Eman y AVP ta un voto pro corupcion!

EA News Author

Parlamentario Mevin Wyatt Ras: Gabinete Wever Croes no ta interesa den futuro di trahadonan di CITGO

EA News Author

Leave a Comment

Whatsapp Message