Guarda nos costa tin hopi keho di personanan cu ta drenta Aruba ilegalmente. Sinembargo na momento cu GNC haci su trabao pa gara e ilegalnan aki nan no ta duna bek na e comunidad di e daño cu nan a haci di trapa riba leynan di Aruba. Di otro banda haciendo malo trapa riba leynan di Aruba ora cu nan ta gara pa GNC ta e pueblo di Aruba ta paga pa nan, sea ta cuminda , dokter y hasta pasage pa nan bay nan pais bek. Si e balanse aki ta husto ta un pregunta cu ta na laira te ainda.
Asina por bisa miyones y miyones ta bay na e operacion di e captura y mantene e ilegalnan te ora cu tin un vuelo pa nan por bay bek nan pais. Hopi di nan ta bolbe bek mirando cu e proceso cu nan ta pasa aden no ta dificil y no ta sinti e balor di cu nan a trapa riba ley di un pais.
Minister di Husticia den conferencia di prensa despues cu eanews a haci e pregunta a duna di conoce cu ta depende pakico e personanan ta keda deteni, porehempel un persona cu tin un status ilegal wordo deteni paso e la comete un acto criminal ta diferente cu un persona cu a drenta Aruba na un manera legal y no a comete ningun acto criminal, pero e la wordo gara pa ta ilegal na Aruba.
Segun minister Tjon tin un diferencia den e dos procesonan aki y e lo mester keda asina tambe. Segun e mandatario mirando e circunstancianan y e situacion actual na Venezuela e situacion na Aruba no lo bay stop un dia pa otro. Loke ta importante ta pa e maneho di gobierno sigui percura pa e siguridad na nos frontera wordo garantisa.
Loke cu hopi hende no sa na momento cu e botonan aki yega cu hende Aruba no ta trata di hende so nan ta transporta pero tambe contrabanda sea ta di arma y droga cu tambe ta drenta nos pais. Na e momentonan aki gobierno ta trata di percura pa cuida e fronteranan y tin nan bon cera.
Aruba no ta ainda unda e mester ta den cuido di fronteranan pero lo sigui traha riba dje y a pone e plataformanan den cual ta discuti riba topiconan strategico pa por yega na puntonan pa percura pa e mehora cada biaha mas y mas. Cooperacion entre departamentonan ta necesario, pero tambe den e aspecto tecnologico tin mehoracion nan cu por wordo haci y cu tambe ta planifica pa wordo ehecuta.