Lider di fraccion di AVP Jennifer Arends- Reyes despues di e reunion pa trata e cuentanan anual di 2019 ta indica cu den e reunion tambe tabata tin un mocion pa para e cambio riba e LNT pa aproba pa e CEO di AAA cu ta bin di Royal Schiphol Aruba por cobra 1.1 miyon. Lider di fraccion di AVP Jennifer Reyes ta indica cu den un principio fraccion di AVP ta haya e mocion bon paso semper fraccion di AVP ta contra di LNT, pero e biaha aki fraccion di AVP no ta haya cu e mocion ta na agrado di AVP. Sinembargo e ley di LNT ta e propio gobierno di Hulanda a impone riba Aruba pa baha gasto di gobierno y awe e pregunta di oro ta si ta gobierno di Hulanda mes a duna aprobacion pa dal bay cu e cambio aki den e LNT na e mes un manera cu nan a bin exigi Aruba den un pandemia pa baha gasto y introduci e LNT pa tur CEO Arubiano na Aruba of ta un presion directo di Royal Schiphol Group na Gobienro di Aruba y gobierno di Aruba ta baha carson pa tipo di exigencianan aki.
