Djaweps 1 di Mei, e open dag Anual di Kazèrne di Marina Savaneta a tuma lugá. Di 10:00 or te 16:00 or e Kazèrne a habri su portanan pa públiko ku un programa variá pa grandi i chikí.
E open dag a brinda un eskala amplio di aktividat i demonstrashon, durante kua bishitantenan por a risibí un bista úniko den e labor di Defensa i su sosionan di seguridat stratégiko. Kuerpo di Marina, Militarnan di Aruba, Programa di Entrenamentu Sosial (Sociaal Vorminstraject SVT), Marechosé Real, Wardakosta Region Karibe, Kuerpo Polisial Aruba i Kuerpo di Bombero di Aruba tabata presente pa demostrá kiko nan tin den kas.
Durante e dia tabatin demonstrashon tantu riba tera komo riba laman, durante kua diferente senario a keda imitá. Banda di e demonstrashonnan aki Haerfen, Honeypot, Lightskin Rasta i Jralph a sòru pa muzik live, tabatei Cool/Fresh FM live radio, stèntnan di merkado i trùknan di kuminda ku a proveé bishitantenan ku kos dushi i rekuerdonan pa hiba kas
Un bunita punto kulminante tabata e sosten na organisashonnan karitativo pa medio di benta di ticket di loteria, sòpi di bonchi bèrdè, pèchi, mòk, kalènder i otro artíkulo tremendo. En total ku e benta a rekoudá AWG 27.500. E entrada kompletu e aña aki ta bai pa dos organisashon karitativo: Fundashon Pas Nos Comunidad i House òf Skate Aruba.
Un otro momentu spesial tabata e open dag spesial riba djárason, 30 de aprel, pa 80 mucha di Scol Caiquetio. E muchanan aki pa motibu di nan restrikshonnan no por a partisipá den e dia habrí regular. P’esei nos a invitá nan un dia promé, pa asina nan tambe por a disfrutá di un dia dibertido den e mundu di Defensa.
E éksito di e open dag di Kazèrne di Marina Savaneta ta danki na e esfuerso di tur esnan envolví i e hopi bishitantenan entusiasmá ku a bin tira un bista. E evenementu no solamente ta aportá na engrandesé e konsientisashon tokante e trabounan di Defensa i e sosionan stratégiko di seguridat, pero esaki a brinda tambe un sosten balioso na dos organisashon karitativo. Te otro aña riba 1 di Mei 2026!
