ORANJESTAD, Aruba
Durante conferencia di prensa di partido AVP, Parlamentario Richard Arends a mustra cu e reunion yama siman pa trata rapportnan biew di Contraloria General (Algemene Rekenkamer, tabata simplemente otro intento pa desvia di e medidanan cu ta na caminda. Entretanto Parlamento di Aruba a ricibi e informe di entrada y gastonan di e ultimo cuartal di aña 2019, e asina yama uitvoeringsrapportage. E informe aki a duna un bista completo pa loke ta trata e gasto y entradanan di pais Aruba te cu 31 di december di aña pasa. “Den e informe aki por wak di manera hopi cla e efectonan di e medidanan cu ciudadanonan y comerciantenan ta pagando for di 2018. Pa aña 2018-2019 pueblo a paga ya caba un total di 270 miyon di florin na impuesto, ” Parlamentario Arends a splika.
Den e informe por mira cu accijns di alcohol y cigaria pa aña 2019 a aumenta cu casi 10 miyon di florin, igualmente pa loke ta trata accijns riba gasolin. Pa aña 2019, Gobierno a spera di ricibi mas cu 14 miyon di florin na grondbelasting. E aumento di BAZV y BAVP, bou capa di crisisheffing manera cu gobierno kier a yame, a ranca ta 90 miyon y 145 miyon pa respectivamente di nos economia. “Pa loke ta spera pueblo e aña aki, tin un suma di 88 miyon florin presupuesto pa 2020 cu directamente pueblo y comercio tin cu bay paga.”
Parlamentario Arends a sigui splika cu si tuma e tres añanan aki, ciudadanonan y comercio ta pagando 350 miyon na medida. Un suma exhorbitante si compara esaki cu nos economia y den mesun rosea CAFT tambe a conclui cu e gastonan di gobierno no ta baha. “Pa aña 2020 gastonan a bolbe aumenta cu 40 miyon florin. Na aña 2018 gastonan a subi caba cu 100 miyon compara cu 2017 y na aña 2019 el a subi cu 25 miyon atrobe na ña 2020. Un total di 145 miyon florin di aumento di gasto for di momento cu e gobierno actual a sinta,” Sr. Richard Arends a declara.
Segun e ‘uitvoeringsrapportage’
