ORANJESTAD, Aruba
E siman aki mi ta forma parti di un delegacion di Reino, representando Aruba na reunionnan na New York.
Ayera nos a reuni cu representantenan di “UN-Foundation” y e “International Crisis Group” y tambe cu profecionalnan di Nacionnan Uni riba e prioridadnan di Reino dentro di Nacionnan Uni.
Den tur e 8 diferente reunionnan a wordo acentua e importancia di e “Sustainable Development Goals” y combatimento di terorismo. Pero un prioridad grandi pa Nacionnan Uni, cu ta sumamente importante pa Aruba tambe ta e enfoce cu nan ta bay pone riba digitalisacion y con pa combati e menazanan cu e desaroyo aki ta trece cune.
Awe y e resto di siman lo tin mas reunionnan na “UN headquarters” riba seguridad, retonan y solucion pa e desaroyo digital, problema di clima, con pa haya ayudo pa logra e metanan sostenibel y duradero stipula pa Nacionnan Uni y e crisis di Venezuela.
