Politica

Parlamentario Alan Howell: Uncle Louis Store a keda bunita renoba manera priminti


ORANJESTAD, Aruba

Parlamentario Alan Howell ta sumamente contento cu 10 luna despues cu a anuncia restauracion di Uncle Louis Store, dia 21 di februari 2020 a haci entrega oficial di e yabi di e edficio completamente renoba.

Na April 2019 ora cu a anuncia e proyecto aki, Howell a hiba palabra y a indica su entusiasmo pa mira con San Nicolas ta hayando e atencion debido y e tempo ey a gradici e tempo ey Minister Otmar Oduber y Monumenten Fonds pa duna atencion na e edficio y na pueblo di pariba di brug.

Di e forma aki por mira e esfuersonan cu ta wordo haci pa duna San Nicolas e atencion y bida cu pa hopi tempo e ciudad aki tabata sclama pe. Por mira cu diferente ministerio ta realisando proyectonan na e parti pariba di nos isla, pero tambe ta mira iniciativanan priva tumando luga, cual ta indicacion cu dentro di poco San Nicolas lo ta ocupando e luga cu semper e la merece. Howell kier gradici tur actor cu a haci posibel cu awe nos ta conta cu un Uncle Louis totalmente renoba, manara ta entre otro Monumenten Fonds y Ministerio di Infrastructura. 

Awo cu e edificio ta cla Directie Natuur en Milieu lo bay ocupa gran parti di e edificio. “Masha pabien na tur actor envolvi y muy en especial na henter pueblo di pariba cu un joya di edificio”, parlamentario di POR a finalisa.


Related posts

Minister Dangui Oduber: Gobierno di Aruba ta duna reconocimento na Sra. Edna Eckmeyer pa su 40 añanan den servicio di Wit Gele Kruis

EA News Author

Oposicion no tin argumento valido y ta blo haci spetakel y busca excusa pa no traha

EA News Author

Parlamentario Miguel Mansur ta cla pa cambionan den ley di Kinderopvang

EA News Author

Leave a Comment