Parlamentario Wendrick Cecilia ta kere firmemente cu politiconan contrincante por tin opinion politico diferente pero na final di dia mester por bini hunto pa un causa cu ta uni nos tur, na mes momento Parlamentario Wendrick Cecilia ta kere cu na e momentonan aki Aruba tin mester di e union aki.
E situacion di Rijkswet ta discusionnan cu na e momentonan aki ta andando y tin discusionnan cu ta desaroyando. Tin diferente aspectonan entre otro Rijkswet y Landenpakket ta discusionnan cu ta andando y ta discusionnan cu mester haci den nivelnan politico. Sinembargo loke cu mester realisa ta cu tin un deadline riba mesa y e tempo ta corto y e discusionnan mester wordo intensiva pa determina como Pais den ki direccion Aruba kier bay y kico ta beneficia nos Pais pa compronde e dinamica di e tempo sea cu nos ta cla pa un confrontacion of tene man nan di colaboracion pa hunto cu Hulanda construi miho relacionnan den Reino unda cu por pone un base solido den Reino Hulandes unda cu trato igual respet y dignidad di cada Pais keda respeta pa locual e statuut ta basa riba e derecho di autodeterminacion.
Nos di EAnews a puntra Parlamentario Wendrick Cecilia cu no ta un secreto cu Hulanda awor caba manera cu e statuto ta, ta trapando riba diferente puntonan cu Aruba caba sin cu a firma e Rijkswet. Si mester firma e Rijkswet kico esaki lo significa pa Aruba? Parlamentario Wendrick Cecilia ta kere cu e situacion cu tin den reino awor aki ta rekeri inversion den relacion den Reino Hulandes, e statuto di Aruba ta duna Aruba hopi oportunidad y mester capitalista riba e oportunidadnan aki cu ta wordo ofreci den e statuto.
Parlamentario Wendrick Cecilia ta kere cu na e momentonan aki Aruba mester bay utilisa tur su instrumentonan, nos capacidad y uni nos forsa y boluntad hunto y pa hunto determina cua ta e direccion cu ta bay beneficia comunidad di Aruba.
E beneficio di Aruba ta loke nos tur ta angela riba dje y e intencion di AVP ta pa percura pa eleva e calidad y experiencia di bida di nos hendenan y desaroyo di nos Pais y ta kere cu politiconan mester por uni cabes cu otro y determina e direccion y e rumbo cu nos ta desea pa nos Pais.
Na momento cu tin fe ta conviccion di cosnan cu bo no por mira , pero para como miembro di parlamento di Aruba y como un hoben cu ta ofrece tur su talento, capacidad y bida na comunidad di Aruba ta paso tin fe den Pais Aruba y ta stima Aruba .
Na momento cu tin fe ta conviccion di cosnan cu bo no por mira, cu e fe aki cu tin den Aruba,cu ne lo cana e proceso nos dilanti na bienestar di Aruba, asina parlamentario Wendrick Cecilia a indica.
Pa para riba nos pia cu economia diversifica, cu Aruba tin su structura financiero na ordo cu Aruba por sostene su mes, kere den e Aruba aki y t’ey pa duna contribucion pa crea e Aruba fuerte cu nos tur ta angela y desea,no ta depende di ningun hende, pero di nos mes como Arubianonan. Mester ta asina cu na momento cu Aruba ta extende su man nan ta pa colaboracion , pa tin un balor economico pa ambos cu ta involucra.