PoliticaFeatured

Prome Minister Evelyn Wever-Croes: Rey Willem Alexander a organisa un encuentro cu e “Small Island Developing States (SIDS)”

Rey Willem

Diamars mainta, Rey Willem Alexander a organisa un encuentro cu Minister President, y e Ministernan di e paisnan cu ta wordo considera como “Small Island Developing States (SIDS)”. Presente tabata, Aruba, Sint Maarten, Boneiro, Curacao, St. Kitts, Barbados, Jamaica, Tuvalu, Fiji, y Maldives. Durante e encuentro aki, a enfoca hopi riba e paisnan chikito den e contexto di cambio climatico y e problematica di awa. Tabata di remarka cu e paisnan aki ta hopi similar pa loke ta trata e grandura di e pais y e total di habitantenan, y den caso asina, mayoria di biaha ta confronta e mesun retonan. 

Prome Minister a expresa cu apesar di e similaridadnan, Aruba a resalta di ta un excepcion, mirando cu hopi di e retonan cu e islanan aki ta experenciando, Aruba no conoce. Un punto clave ta e disponibilidad di awa den e islanan den caribe. Alcontrario di pais Aruba, hopi di e islanan aki cu ta serca, no por provee awa pa nan cuidadanonan 24 ora pa dia y ta reparti esaki durante dia. 

Pa Aruba e ta un bendicion di tin un planta di purificacion. Hopi ta e paisnan cu lo desea di tin esaki pero no por  yega na dje ainda. E planta aki na Web ta ofrece e disponibilidad di awa na henter comunidad tur dia 24 ora pa dia. Pesey ta importante pa e comunidad di Aruba realisa e importancia di ta cauteloso ora di husa awa, pa evita cu un dia awa por bira schaars. E ta un compromiso di henter e pueblo pa husa awa consientemente pa asina semper tin disponibilidad di awa pa comunidad completo y e bishitantenan. Esaki ta un reto grandi, cu gobierno ta comprometi pa percura pa tuma luga.

Prome Minister ta gradici Rey Willem Alexander pa organisa e encuentro aki y pa pone atencion na e contexto di e paisnan chikito, ya cu no ta tur biaha e paisnan aki ta haya e atencion debido. 

Rey Willem Alexander A Organisa Un Encuentro Cu E Small Island Developing States SidsImg 3464 Scaled

Related posts

Gobièrnu i refineria di kòrsou ta yega na akuerdo pa paga e di 5 transh na (èks-)trahadónan di isla

EA News Author

Rocco Tjon: Prome Minister Evelyn Wever-Croes lo sigui baha gasto di Gobierno na 2020

EA News Author

Prome Minister Evelyn Wever-Croes: Señor Andy Lee a huramenta dilanti Rey Willem Alexander como miembro di Raad Van state pa Aruba

EA News Author

Leave a Comment

Whatsapp Message