Politica

Minister Maduro di Finansa ta informa: S&P Ratings ta re-afirma e credit rating di Gobierno di Aruba na BBB – Stabil

Minister Maduro

Nan ta reconoce e recuperacion y e bon maneho financiero di nos Pais

For di S&P Global Ratings Minister Maduro a ricibi e grato noticia cu e credit rating (grado di credibilidad financiero) di Gobierno di Aruba a wordo manteni. Esaki ta resultado di un evaluacion teni door di S&P Ratings den luna di januari na unda a papia cu varios actornan den Gobierno y sector priva. 

S&P Ratings ta duna reconocemento na Gobierno di Aruba pa su cumplimento cu normanan fiscal y su compromiso pa implementacion di reformanan structural cu e meta di mehora finansa publico. Otro punto positivo ta e relacion constitucional entre Aruba cu Hulanda, cu S&P Ratings ta considera di ta contribui na stabilidad institutional y politico.

E ratings outlook, cu ta e perspectiva cu S&P Ratings ta hiba pa mehoracion di e rating den futuro inmediato, tambe ta keda stabiel. S&P Ratings ta premira cu Aruba su crecemento economico lo continua den 2023. Esaki a base di e refleho di turismo den nos economia. Apesar cu e economia di Aruba ta depende grandemente di e sector turistico y cu esaki ta vulnerabel pa shock externo y por wordo influencia pa desaroyonan den nos mercado turistico principal, esta Merca, toch S&P Ratings ta premira continuacion di crecemento  economico den 2023.

Gobierno di Aruba, en particular Minister di Finansa y Cultura, Sra. Xiomara Maduro, kier gradici tur esnan cu di un forma of otro a coopera na e resultado positivo aki pa Pais Aruba. A pesar di e desafionan financiero grandi cu Gobierno y comunidad tin su dilanti, Aruba tin e confiansa di esnan cu tin di evalua e credibilidad financiero di nos isla, y ta mantene su ‘investment grade’. Aunke cu por tin incertidumbre den sector financiero internacional, na nivel domestico S&P Ratings ta reconoce un bes mas cu Aruba a ta marcando progreso riba tur tereno. Masha danki pa kere den Aruba!

Related posts

Parlamentario Shailiny Tromp-Lee: Mike Eman tin curashi pa ataca Minister Evelyn Wever-Croes

EA News Author

Huramentacion miembro nobo corte comun di husticia

EA News Author

Parlamentario Endy Croes: Ambtenaar ojo AVP ta lobby na Hulanda cu promesa cu nan lo manda 1500 ambtenaar cas

EA News Author

Leave a Comment

Whatsapp Message