PoliticaFeatured

Prome Minister Evelyn Wever-Croes a ripiti invitacion na sindicatonan pa reuni

Prome Minister Evelyn Wever Croes

Prome invitacion tabata 22 december 2022, sindicatonan no a reacciona

 Den aparato gubernamental no tin un forma uniforme pa evalua empleadonan. Esaki awor a cambia y entrante 1 di januari 2023 Aruba ta conoce un sistema uniforme di evaluacion cu yama “Prestatiemanagement”. 

Cu e sistema aki “prestatiemanagement”, por evalua funcionamento di tur empleado y director, y por haci e proceso di promocion cana mucho mas liher. ‘Un di e metanan pa finansas publico sostenibel y pa Aruba sali di debenan ta, cu e aparato publico mester funciona mas eficiente y mester baha gasto di entre otro personal. E sistema di evaluacion aki ta parti di e proceso’, Prome Minister Evelyn Wever-Croes a indica. 

Sindicatonan a expresa nan preocupacion cu e sistema aki 

Prome Minister a traves di un carta ricibi di sindicatonan, a tuma nota di nan preocupacionnan pa cu e sistema aki. Por medio di un carta tambe 22 di december, Prome Minister Wever – Croes a contesta e sindicatonan y elabora riba tur nan preocupacionnan. Ademas a haci un invitacion habri pa nan, den caso cu nan tin necesidad di reuni, sinembargo no a tende nada mas di nan. Mirando cu ainda nan ta expresa di tin preocupacion Prome Minister ta ripiti e invitacion habri aki. 

Por ultimo Premier Wever – Croes a bisa: “Nos tin cu tene na cuenta tambe cu e ehempel y e mensahe cu nos kier duna comunidad, nos studiantenan na Universidad, nos generacion di awe y futuro, specialmente den e fase di recuperacion cu nos pais ta aden. Mi ta convenci cu nos tur tin e mesun meta: un aparato gubernamental cu ta funciona bon y den cual derecho di tur empleado publico ta wordo respeta y salvaguardia. Y mi tin tur confiansa cu nos lo logra, si nos traha hunto y cu un actitud positivo,” Prome Minister Evelyn Wever-Croes a duna di conoce.

Prome Minister Evelyn Wever Croes A Ripiti Invitacion Na Sindicatonan Pa Reuni..3Prome Minister Evelyn Wever Croes A Ripiti Invitacion Na Sindicatonan Pa Reuni..2Prome Minister Evelyn Wever Croes A Ripiti Invitacion Na Sindicatonan Pa Reuni

Related posts

Debi na e brote di covid-19

EA News Author

Parlamentario Edgar Vrolijk: Parlamentario Mansur ta chantahia tur hende den parlamento

EA News Author

ATA a pone informacion adicional riba varios borchinan publico di precaucion relata cu covid-19

EA News Author

Leave a Comment

Whatsapp Message