FeaturedLocalAruba Turismo

Pronto lo ehecuta Fase 3 y 4 di Proyecto Malmok Boardwalk

Pic Boardwalkmalmok.4

Minister di Turismo y Salud Publico a tene un conferencia di prensa na Malmok.E mandatario a anuncia e continuacion di e proyecto di Malmok Boardwalk. Manera ta conoci e maneho di Minister Oduber ta pa sigui inverti den embeyecemento di Aruba su infrastructura pa asina eleva e producto Aruba.

Minister Oduber a duna di conoce cu e proyecto di Malmok Boardwalk a wordo parti den 6 fase. E fase 1 y 2 di e proyecto ya caba a wordo entrega y awor ta bay continua cu fase 3 y 4. E meta di e boardwalk semper tabata pa mehora e siguridad di e area pa ambos turista y lokaalnan. Danki na e boardwalk tur hende por ta mas sigur ora nan, sea cana of core bais riba e caminda panoramico aki di nos isla. Proyecto Malmok Boardwalk ta wordo realisa cu fondonan di Tourism Product Enhancement Fund (TPEF)

FASE 3 (2023) Den fase 3 di e proyecto di Malmok Boardwalk lo bay embeyece e area na comienso di e boardwalk y unda tin e pasarela di palo cu flora, pergola y banki. E idea ta pa uza matanan cu ta autentico di Aruba. Segun e mandatario, si tur cos ta bon, DOW lo publica e destaho publico di fase 3 na fin di september

FASE 4 (2024) Den fase 4 di e proyecto lo bai conecta e boardwalk cu Ritz Carlton. E idea ta cu den e parti aki di e boardwalk lo bay pone palo di coco. Esaki lo crea un bunita pasarela conectando cu Ritz Carlton. E plan ta pa e destaho publico di fase 4 wordo publica den e prome cuartal di aña 2024

 Ministerio di Turismo y Salud Publico  

TPEF (Tourism Producht Enhancement Fund) ta un fondo cu ta dirigi pa mehora producto Aruba, esaki nan ta haci pa medio di inversion. TPEF ta inverti den conscientisacion, por ehempel den Stimami Sterilisami, cu ta e programa di sterilisa cacho cu pushi. Tambe nan ta inverti den nos herencia y atraccion, manera ta e proyecto di renobacion di nos Museo Arkeologico Nacional. Nan ta inverti den siguridad y den tene nos costanan limpi. Tur esaki ta yuda eleva e producto turistico cu Aruba ta ofrece na nos turistanan

Minister Oduber a gradici e comision di infrastructura cu ta trahando duro pa ehecucion di tur e proyectonan di mehoracion y embeyecemento. E mandatario a duna gradicimento tambe na henter e Board di TPEF pa sostene tur su proyectonan. Danki pa aproba e proyectonan conforme e vision y maneho di Ministerio di Turismo.

Pic Boardwalkmalmok.6 Scaled
default

Pic Boardwalkmalmok.5Pic Boardwalkmalmok.3Pic Boardwalkmalmok.2

Related posts

Dr. Eric Mijts a defende su doctorado na Universiteit Gent y Universiteit Antwerpen.

EA News Author

Minister Glenbert Croes: Enseñansa pa Empleo aceptando inscripcion pa diferente cursonan

EA News Author

Lider di Fraccion AVP Mike Eman: Ta introduci “DIA V”

EA News Author

Leave a Comment

Whatsapp Message