Prome Minister Mike Eman a duna un conferencia di prensa pa comparti su satisfaccion cu e resultado di e caso legal di su colega Mike de Meza. Despues di pasa mas cu dos aña den un periodo di hopi tension, lucha, y incertidumbre, e mandatario a sali afo di e proceso aki cu un resultado positivo.
Eman ta duna di conoce cu e proceso tabata sumamente dificil no solamente pa señor de Meza su persona, pero tambe pa su famia, specialmente na momento cu su nomber wordo poni den e forma ey. Sinembargo, awor tin un alivio grandi pa tur esnan envolvi.
Espacio pa pensa riba puesto di minister
Tocante e posibilidad di regresa na e puesto como minister, Prome Minister Eman a indica cu ta duna señor de Meza espacio pa e por pensa trankilamente si e ta desea di tuma e carga aki di nobo. E decision ta keda den man di e mes un colega, y e gobierno ta respeta e proceso aki di pensa y reflexiona.
Segun Eman e gobernacion di pais ta mira e cierre di e capitulo aki como un momento positivo, y maske cu e deseo ta pa e por finalmente dicidi pa bolbe tuma e responsabilidad ministerial, e prioridad na e momento aki ta pa duna e espacio necesario y respeta e momento dificil cu nan a pasa aden.
Ya caba tabatin contacto entre prome Minister Mike Eman y parlamentario Mike de Meza y lo duna espacio na Mike de MEza pa e tuma e dianan aki pa por tuma un bon decision pa su futuro carera politico su dilanti.