PoliticaFeatured

Otmar Oduber ta coregi informacion, no ta Griffier di Staten sino e IT a haya rason cerca hues

Otmar Oduber Ta Coregi Informacion No Ta Griffier Di Staten Sino E It A Haya Rason Cerca Hues

Marisol Tromp no ta un “first offender” y a worde castiga den caso cris dammer tambe pa su gañamento na ministerio publico

Otmar Oduber a coregi informacion duna. E ta referi aki na su declaracion cu Marisol Tromp no ta un first offender, y ta sostene cu e persona aki a gaña husticia varios biaha. En berdad, el a menciona persona robes, en bes di e Griffier tabata e IT di Parlamento cu a prueba su inocencia dilanti juez pa insinuacionan y acusacionan tempo Marisol tawata Ptesidente di Parlamento. “Mi ta pidi disculpa pa e equibocacion aki y ta coregi mesora cu no tawata e Griffier di Staten sino e IT di Staten cu a worde persigui y finalmente mester a bai corte pa haña su razon despues di e acusacionan falso contra su persona”, asina Otmar Oduber a dina di conoce. “Marisol Tromp a gaña Ministerio Publico den e caso di Chris Dammers, pa cual el a wordo castiga, e mester a paga boet y a haña 2 aña condicional. Tambe den e caso di e IT di Parlamento a laga traha un rapport contra e persona aki cu hasta a wordo retira for di trabou e tempo ey”. E persona aki a bay corte y a gana su caso, hues a bari e rapport for di mesa,e persona mester a wordo poni bek na trabou y ta cobrando atrobe”.

Tambe el a menciona cu Marisol durante 2 aña a wordo investiga como sospecho den dos caso a base di un acusacion cu a wordo haci door di director di DIP e tempo ey, contra su mesun minister. Esaki mientras cu e tabata sinta den Parlamento sin cu ningun hende tabata sa di dje.

Mientras tanto, e mesun señora aki awo kier tilda un comisario di polis si el a pasa su ‘veiligheidsdienst’ screening of no. “Mi ta contento cu hefe di polis a bin dilanti di biaha y bisa cu el a pase no solamente na Aruba, pero na Hulanda tambe. Esaki ta mustra cu e politico aki ta biba di gañamento, parse cu e ta un mitomano, un mentiroso patologico.

E mesun persona aki a bay OM entrega 25 keho contra Otmar Oduber y a resulta cu 23 di nan a wordo bari for di mesa y den corte lo mustra cu e 2 ambtenaarnan fantasma cu ta wordo papia di dje tambe ta un mentira.

Ta parse cu Marisol Tromp no ta siña di su foutnan di daña nomber di hende pa despues e persona tin cu bay lucha den corte manera cu a pasa cu Sr. Dammers y e IT di Parlamento. Pero di otro banda, e no ta bisa berdad na pueblo di Aruba cu e tabata sospechoso durante 2 aña largo.

Otmar ta recorda con ora mester a nombra Marisol Tromp minister, su screening a dura practicamente 3 luna, a keda casi 2 luna cu Minister President mester a ocupa posicion cu Oduber a laga como minister di Infrastructura, pasobra Sra. Tromp no por a pasa e screening, pasobra e tabata debe belasting. E tabatin propiedad cu pa casi 10 aña e no a paga belasting, a rabia y pleita ora nan kier a cobre un par di 100 mil Florin di “onduiking di belasting”.

“Mi ta puntra mi mes ki ehempel bo ta? Cu ki moralidad awe bo kier bay cuestiona si un hende a pasa un screening, si abo no por a pasa un, pasobra bo a keda debe cientos di miles di Florin cu bo no a paga e tempo ey riba propiedadnan cu bo tabatin. Lagando pasado un banda, por mira cu su actitud no a cambia, el a keda cu e actitud di kier gaña hende, manipula hende y daña nomber di hende”, Otmar Oduber a finalisa.

Related posts

Condecoracionan Real 2024

EA News Author

Directie onderwijs, Inspectie Onderwijs, y DPS a duna gobierno conseho y a tuma decision di trek in mb di director maduro

EA News Author

Reaccion di prome minister riba declaracionnan di presidente di venezuela : Frontera cu Venezuela ta keda cera

EA News Author

Leave a Comment

Whatsapp Message