FeaturedLocal

Grupo di hoben conoci den Village premedita ta busca problema y ocasiona hopi daño na otro hoben

Grupo Di Hoben Conoci Den Village Premedita Ta Busca Problema Y Ocasiona Hopi Dano Na Otro Hoben

Na EPB San Nicolas a tuma luga un situacion hopi malo y inaceptabel. No ta prome biaha hobennan di otro scol ta bin EPB y busca problema y bringa cu muchanan di EPB.  E situacion bou di nos hobennan cu ta  busca otro hobennan problema ainda ta un problema den nos comunidad.

Tin tantisimo di fundacionnan cu ta existi pa añanan largo, pero no ta mira  ni e tunnel di solucion y un solucion real pa cu e situacion aki bou di nos hobennan. Kico ta malo anto? Kico Aruba ta haciendo malo? Ta mucho suave cu e hobennan aki cu ta kere cu nan ta hulk y kere cu bringamento ta haci nan mas MACHO? .

Sinembargo den henter e situacion aki e prome personanan yama ta e mayornan e educacion cu ta haya na cas, mas cu un hoben a pensa y a traha nan plan y bay cu e pensamento malo pa warda  un otro  hoben Sali di scol y pa atake den grupo, un situacion cu NO ta aceptabel y NO ta permiti pa sosode den ningun situacion.   Hobennan cu ta bringa mustra machoheid den nan pensamento cu esaki ta bon, ta net lo contrario, netamente e actitud aki ta mustra con debil e hoben por ta pa dies pensa di dicidi den gang pa bay ataca otro hoben.

Dies pensa di cu kier bay bringa y of bati un otro hoben ta mustra e mentalidad debil y hopi abou cu e hobennan aki tin. Bringa no ta machoheid, bringa ta e nivel di mas baho cu abo como hoben por haci y demostra na bo mayornan y bo amigonan., bringamento ta acto di cobarde y bou di ningun circunstancia e ta aceptabel.

Un biaha mas ta spera cu fundacionnan cuminsa activa y no dies sinta tras di lesenaar warda problema yega cerca nan , pero ta mas proactivo pa traha cu hobennan cu mester di ayudo pa bira un hoben mas miho pa futuro di Pais Aruba y no un dolor di cabes pa Pais Aruba. Ta proactivo, tin datos di grupo di hobennan aki, pero nos mes como Pais no ta proctivo cu nan, pero ora algo pasa e ora tur kier nan fundacion nomber ta presente.

E hoben cu a keda ataca door di e grupo di hoben mester bay hospital pa e keda atendi, mientras tanto e otro grupo cu ta biba cu e pensamento ta great loke nan a haci, e caso ta bou di investigacion pa atende cu nan.

Hobenen Bringado 1Hobenen Bringado 2Hobenen Bringado 3Hobenen Bringado 4Hobenen Bringado 5Hobenen Bringado 6Hobenen Bringado 7

Related posts

Investigacion posible malversacion na DIMP

EA News Author

Cambionan den ley di kiesverordering a wordo aproba cu 15 na fabor y 4 contra

EA News Author

Colaboracion Salud Mental riba tur isla

EA News Author

Leave a Comment

Whatsapp Message