Henter e isla di Saba ta ser alimenta pa energia solar for di 2 parke solar y bateria di almacenamento. E parke solar ta produci entre 35 pa 40 porshento di e produccion total. Den un dia cu tin solo optimal e isla ta completamente alimenta pa energia solar y di bateria entre 8or di mainta y 5or di atardi. E coriente di 5’or di atardi te 8’or di mainta ta wordo produci dor di generacion di diesel convencional. Ora ta suministra energia pa e isla for di e panelnan solar, no ta uza e generadonan di diesel, di manera cu ta reduci e consumo di combustibel.
E Entidad Publico Saba, cu yudansa di e minister Hulandes di Clima y Energia, lo traha cu e compania local di utilidad (Saba Electric Company) pa ehecuta plannan existente pa energia renovabel.