PoliticaFeaturedLocal

Awor mas cu nunca politiconan mester mustra madurez y pone cas Aruba na prome luga

Union

Lider di fraccion PPA Otmar Oduber a yama un conferencia di prensa y ta trece padilanti e tiki tempo cu Aruba tin pa loke ta trata e situacion di Rijkswet na Aruba. Aruba ta mara na un deadline cu ta prome di mey 2025. Esaki ta practicamente 3 luna cu mester tuma un decision. Pais Aruba ta na e crusada pa tuma un decision di un consecuencia sumamente grandi pa loke ta trata e autonomia di nos Pais y e forma di opera den Reino Hulandes.

Na mes momento ta tuma nota cu tabatin un eleccion 6 di december unda cu practicamente no tin un formacion di gobierno ainda, pero sinembargo e deadline cu tin pa atende cu e topico di Rijkswet no ta hala paso Aruba ta den formacion di gobierno pero e ta un posicion determinante  cu mester wordo tuma. E discusionnan ta riba e interesnan cu mester paga versus e impacto cu esaki tin riba e aspecto autonomo di nos Pais.

Sinembargo fraccion di PPA a tuma e decision di traha un carta y ta keda dirigi na presidente di parlamento unda cu ta solicita un reunion publico cu caracter di urgencia. No ta trata cu mester warda pa tin un gobierno cu mester sinta of ken ta e gobierno cu ta bay sinta, pero los di ken ta e gobierno cu ta bay sinta na e momentonan aki Parlamento tin un rol determinante pa tuma un posicion bon cla den e rol nobo den e constelacion nobo cu parlamento tin na e momentonan aki pa cu loke ta e proposicion di Rijkswet riba mesa.

E carta cu ta keda entrega na presidente di parlamento ta bisa lo siguiente: Cu un motibo pa atende cu urgencia e topico importante y di impacto historico aki ta echo cu nos ta den un formacion di gobierno cu ainda no tin un tempo defini pa keda concretisa, sinembargo e fecha fatal , e deadline cu tin pa tuma un decision y concretisa e acuerdo aki ta den apenas 3 luna  di tempo.

Considerando e echo cu gobierno ta den formacion y e constelacion di parlamento despues di eleccion ta totalmente diferente, ta urgi presidente pa yama e reunion aki mas pronto cu ta  posibel pa asina cada fraccion den parlamento por pone nan posicion cla y raspa dilanti conforme e proposicionnan cu cada un partido haci den campaña ultimo y tambe e diferente posicionnan tuma den debatenan tuma den debatenan electoral publico unda cu varios partido a expresa nan preocupacion y desacuerdo cu e ley manera cu e la keda presenta y proponi na e momentonan aki riba mesa.

Segun lider di fraccion di PPA, e tempo ta awo. Nos mester forma un frente nacional  entre tur partido politico, gremionan y instancianan local  pa fiha un posicion comun y negosha  ainda cu Hulanda den e caso aki un avenida mas husto sin discriminacion y respetando e derecho autonomo cu Aruba tin pa cual cu a tuma decada di lucha y sacrificio den e mes un pueblo Arubano mediante practicamente tur partidonan politico ainda existente manera AVP, PPA y MEP pero tambe cu envolvimento nan di esunnan di mas nobo manera FUTURO y otronan cu a participa na e ultimo contienda electoral.  Ta keda na nos madurez politico awe pa mustra y convence Hulanda cu e constelacion nobo aki di Parlamento di Aruba por tin alternativanan real y convincente pa  logra mediante nos gobierno aki na Oranjestad e mes un meta cu a wordo desea pero sin cu nos tin cu sacrifica e lucha y derecho obteni mediante nos constitucion.

Tempo ta esencial y un tempo asina crucial y determinante pa e futuro di nos Pais no por warda, y cada dia cu pasa lo pone nos parlamento y nos futuro gobiernonan su lomba contra di muraya. Ban mustra un diferencia y responsabilidad pa nos comunidad, unda kier bolbe haci un suplica na presidente di Parlamento Gerlien Croes pa yama e reunion publico aki mas pronto cu ta posibel invitando tambe asina e gobierno di Aruba y esunnan encarga cu e tema aki. Esaki ta e carta cu a bay pa presidente di parlamento Gerlien Croes.

Parlamentario Otmar Oduber ta duna di conoce cu e realidad ta cu tin un concepto di un Rijkswet cu tin un deadline riba dje cu particularmente e interes cu Hulanda ta dispuesto si firma e Rijkswet aki. E Rijkswet ta bon cla cu Hulanda kier tuma Aruba over. Sinembargo den e ultimo eleccion tabata claramente den debatenan y lidernan politico cu awe ta forma gobierno of cu ta den oposicion incluyendo partido PPA a vocifera claramente nan disposicion di ta contra di e Rijkswet cu tin na e momentonan aki riba mesa.

Sinembargo na e mes un momento ta mira cu tin un eleccion cu a pasa practicamente 1 luna pasa, tin un constelacion di parlamento nobo den parlamento pero tur hende ta keto riba e tema di Rijkswet lubidando cu e tempo ta cabando.

Pesey mes fraccion di PPA ta urgi  presidente di Parlamento, pero tambe conforme e reglamento di ordo di Parlamento di Aruba e dos firmanan adicional tanto di partido MEP , AVP of FUTURO pa por haya y asina yama e reunion.

Ppa Otmar Oduber 14

Related posts

Aunke Aruba a pasa den 4 ola ainda ta preocupa pa loke ta na caminda

EA News Author

AHATA: Ocupacion y RevPAR ta recuperando pero averahe 2022 ta menos cu 2019

EA News Author

Abase di hopi interes lo haci charla di Dislexia un biaha mas

EA News Author

Leave a Comment

Whatsapp Message