The Hilton Aruba Resort Casino a organisa un evento di reconocemento den honor di un di su miembronan estimado di e team, Rugia A. Siliee, celebrando su di 35 aniversario na e resort.
Na Hilton, según un nota personal skirbi por medio di Chris Nassetta, Presidente & Chief Executive Officer, ‘nos ta brinda experiencianan excepcional tur dia y nos no por haci esaki sin abo. Ta un placer pa duna bo un pabien pa e tremendo logro aniversario aki. Danki pa yuda nos yena e mundo cu luz y hospitalidad caluroso, un feliz aniversario pa bo!’
Varios di Rugia su coleganan a atende e evento, caminda el a ricibi un apresio publico, reconocemento y regalonan pa un bon trabao haci durante mas cu tres decada y mey.
General Manager, Vasco Baselli, a pausa pa refleha riba Rugia su cualidadnan di liderazgo, su abilidad pa motiva y inspira otronan, su humildad y determinacion pa semper haci mas di loke e mester: ‘Nos ta hopi agradecido na bo contribucionnan baloroso, y fieldad, pero mas cu tur cos nos ta aprecia bo 35 aña di tremendo dedicacion na Hilton Aruba Caribbean Resort & Casino,’ el a bisa.
Den e imagen nos ta mira General Manager Vasco V. Baselli, y director di recursonan humano Glenn Farro hunto cu varios otro cabes di departamento na e ocasión special, mientras cu Rugia A. Siliee a celebra un tremendo logro den su carera.
