Lider di fraccion di PPA Otmar Oduber ta duna di conoce cu si Shon A Eman welo di Mike Eman y Henny Eman ruman di Mike Eman mira loke cu awe prome Minister Mike Eman ta haciendo na e momentonan aki cu Aruba lo e ta un decepcion pa famia Eman completo.
Sinembargo parlamentario Oduber ta indica cu e conoce sr Mike Eman y e sa cu e ta sinta riba un stoel bou di un presion di dos minister di FUTURO obliga sino Mike Eman sa bon bon cu e gobierno actual ta bay cas. Loke cu ta un realidad ta cu si e gobierno aki no pasa e ley di Rijkswet paso ta esey ta loke cu Geoffrey Wever y Gerlien Croes kier , y si no cumpli e gobierno di AVP-FUTURO ta bay cas.
Parlamento ainda no a ricibi ningun documento for di Minister Geoffrey Wever y na unda cu ya caba ta mira e posicion di lider di fraccion di AVP Jennifer Reyes cu no a yama e reunion ta lanta para pidi pa schors e reunion pa por bay lesa pa 2 siman . E maldad y traicion di Minister Geoffrey Wever y minister Gerlien Croes ta bisto den parlamento unda cu no a ni entrega e documentonan ainda ya e pone presion riba fraccion di AVP pa pidi pa schors e reunion un falta di respet y un manera di procede cu malisia riba bo doño di trabou cu ta e organo di mas halto di Pais Aruba.
E reunion no a wordo yama pa e documento aki , e reunion no a wordo yama door di fraccion di AVP, pero e reunion a wordo yama netamente pa no yega di e forma aki na e documento cu gobierno di AVP-FUTURO a tira riba mesa den parlamento.
Staatsecretaris tabata na Aruba y na momento cu parlamento a puntra riba e Rijkswet e la indica claramente cu e no por duna informacion pero e ta imagina cu e proceso democratico manera cu e ta cana na Hulanda mester cana na Aruba tambe , cu parlamento mester duna instruccion na su gobierno den ki direccion e mester negosha e Rijkswet. Na Aruba na ningun momento esaki a tuma luga, e ta un falta di respet total loke cu ta tumando luga