Parlamentario Hendrik Tevreden Reunion cu a ser pidi 7 luna atras unda cu presidente di parlamento a trapa riba regla di parlamento di Aruba ta un decepcion total pa Pais Aruba. E proceso con e reunion a cuminsa y cu e la wordo yama unda cu practicamente parlamento di Aruba ta roca pa ricibi informacion riba negociacion di Rijkswet, gobierno a dicidi cu e no ta duna informacion, parlamento atrabes di e presidente di parlamento Marlon Sneek a dicidi cu no ta yama e reunion awe algun luna despues ta yama e reunion pa solamente laga prome minister Mike Eman, minister Geoffrey Wever y Minister Gerlien Croes bisa locual cu nan kier bisa den e 5 minuut cu nan a haya y despues manera cu nan a plania e show den parlamento pa laga lider di fraccion di AVP pidi un schorsing pa 2 siman.
Segun parlamentario Hendrik Tevreden ta trata aki di un reunion cu a wordo yama pa PPA y MEP, AVP ta pidi schorsing di e reunion pa e fraccion di MEP y PPA cu a yama e reunion pa nos por debati riba e tema. Sinembargo esaki no ta e punto di mas delicado di loke ta sosodiendo den e democracia di Pais Aruba.
E punto prinsila di preocupacion riba e respet cu parlamento di Aruba tin mester ta cu gobienro a bin informa parlamento di Aruba cu nan a entrega caba na Rijksminister Raad e Rijkswet. Esaki ta un falta di respet unda cu sin cu parlamento di Aruba a haya pa mira kico ta den e Rijkswet e gobierno di AVP-FUTURO a entrega caba nan pensamento na Rijksminister Raad.
Sinembargo Parlamentario Hendrik Tevreden ta haci un yamada na dos parlamentario cu si realmente nan tin Aruba na pecho y kier mira Aruba sigui biba den e libertad financiero cu nos tin unda cu nos mes por dicidi unda nos ta pone nos placa pa inversion y proyectonan , ta haci un yamada pa nan uni cu fraccion di PPA y MEP pa para e decision di gobierno aki. SI tin parlamentarionan cu no ta di acuerdo cu e decision aki gobierno a cay , asina serio e situacion aki ta na e momentonan aki.
Segun parlamentario Hendrik Tevreden e situacionnan aki ta presenta na momento cu ta goberna sin transparencia. E diferencia di gobierno di AVP –FUTURO y gabinete Wever Croes ta cu cada bes cu mester atende cu situacionnan di Rijkswet tabata bin parlamento y informa parlamento di e negociacionnan, ex prome minister Evelyn Wever Croes tabata bin parlamento prome si tabata gusta of no tabata duna parlamento di Aruba e respet y ta informa parlamento di Aruba riba e desaroyonan cu ta tuma luga riba e negociacionnan di Rijkswet.
Na momento cu bo ta papia di consenso e ultimo cu tin palabra di consenso ta parlamento di Aruba, y si parlamento no ta di acuerdo bo ta perdiendo bo tempo. Gobienro di AVP-FUTURI a hinca nan mes den un problema hopi grave. Na mes momento ta bay mira na e parlamentarionan cu a keda scogi , pero no esunnan cu a haya un lift manera parlamentario Gino Goeloe, pero esnan cu realmente a wordo scogi pa e comunidad aki y ta bay mira con serio ta bay tuma e desicin cu gobierno di AVP-FUTURO a tuma sin consulta cu parlamento di Aruba cu ta e pueblo di Aruba.