Loke cu gobierno di AVP-FUTURO a haci lo perhudica Aruba y a kibra y caba cu e lucha cu Aruba tabatin su autonomia. Awo cu e finansas publico cu a keda entrega den man di Hulanda loke cu ta bay bin pa Aruba no ta momentonan facil. Parlamentario Hendrik Tevreden ta duna di conoce cu awo cu CAFT tin e finansas publico di Pais Aruba den su man sin cu tin mester paso Aruba tabata desaroyando positivamente despues di COVID, na momento cu kier desaroya y haci proyectonan na Aruba si CAFT bisa no , Aruba no por desaroya nada, paso CAFT no ta permiti.
Esaki ta e situacion di gobierno di AVP –Futuro a ocasiona pa pais Aruba. Diabierna 29 di augustus 2025 ta keda marca como un dia scur pa parlamento di Aruba y tambe con e gobierno di AVP –FUTURO a trata su parlamento unda cu ta keda sin duna informacion di kico ta e Rijkswet.
Gobierno di AVP-FUTURO a bay Hulanda entrega e concepto di Rijkswet y despues cu nan a caba di haci entrega di esaki na Hulanda ta bin parlamento di Aruba y bisa cu nan a entrega e ley y awor lese wak si ta diacuerdo of no y no por trece ningun cambio mas, esaki ta e “Top punt begin van het einde “ y si ta asina aki ta bay trata cu parlamento di Aruba e ora mester dies coy e yabi y cera parlamento di Aruba y tur parlamentario bay cas y haci Aruba un gemeete di Hulanda y asina laga e Hulandes nan, esnan cuj ta biba 9 kilometer leu, laga nan dicidi kico ta haci of laga di haci riba bo pais Aruba.
E situacion aki ta un situacion serio y Aruba mester ta bon informa riba e parti aki, y esnan cu ta haci nan comentario politicamente partidista pa conveniencia esaki no ta e momento , paso Aruba ta para na un punto hopi serio cu ta depende di abo , ami y e siguiente generacion nan futuro.