Bonaire

Simposio ‘Huntu kontra Pobresa’ 23 di novèmber 2022


Dia 23 di novèmber 2022 Entidat Públiko Boneiru huntu ku Reino ta organisá e simposio ‘Huntu kontra Pobresa’. Atendementu ku pobresa na nos isla ta eksigí un impulso amplio, un aserkamentu integral i hopi informashon di tur stakeholder ku ta okupando nan mes ku pobresa na Boneiru.

E simposio ta un di un seri di paso ku ta bai tuma pa yega na un aserkamentu integral pa prevenshon, kombatimentu i mitigashon di pobresa na Boneiru. Durante e promé simposio akí konseheronan di maneho di Entidat Públiko Boneiru, Asuntunan Sosial i Empleo (SZW) i e stakeholdernan ku ta direktamente enbolbí lo deliberá tokante e temanan entrada i gastu, edukashon i trabou, i outosufisiensia. Aparte di esaki lo tin aktuashon di oradornan ku hopi eksperensia riba tereno di kombatimentu lokal di pobresa,  manera Akseso, Forma, ROA, Mental Health, Unicef, Munisipio Tilburg i NVVK. Ku e promé simposio akí e organisadónan ke haña informashon pa realisashon di e maneho di pobresa pa Boneiru i prepará un konferensia ku lo tuma lugá na kuminsamentu di aña 2023. 

Pa e konferensia menshoná lo amplia e esfuersonan, kaminda Entidat Públiko Boneiru i Reino ta bai invitá tur interesado den e ekstenso vèlt di trabou pa huntu duna kontenido mas aleu na un aserkamentu integral di pobresa pa Boneiru. 

Related posts

Èkstra sosten na empresarionan afektá pa e pandemia di Covid-19 na Boneiru

EA News Author

Awó Boneiru tin un grupo di 8 mediadó kalifiká pa kasonan penal

EA News Author

Señor Jacobo Gregorio Colina nombrá komo direktor statutario nobo di Telbo NV

EA News Author

Leave a Comment