Featured Bonaire

Resumén konferensia di prensa di 29 di yüni 2022


Ta ferwagt ku e tormenta tropikal lo yega Boneiru mas tempran i ku alrededor di 12:00 di mèrdia lo tin mas awaseru i bientu fuerte. Mas òf ménos 75 pa 125 mm di awa lo kai i e forsa di bientu lo ta entre 75 pa 100 km pa ora. Durante dia ta spera ku e bientu fuerte lo kontinuá i ku esaki lo minimalisá parti anochi. 

Basá riba e ultimo desaroyonan aki:

  • Tur skol i akohida di mucha lo ta será riba djarason 29 di yüni 2022.
  • E barku krusero ku mester a bishitá Boneiru riba djárason 29 di yüni 2022, lo no hasi esaki mas. 
  • Ta konsehá tur doño di trabou, pa trata mas tantu posibel pa laga nan trahadónan keda kas òf traha na kas kaminda esaki ta posibel.
  • Ta konsehá tur empleado den sektor di konstrukshon pa keda kas. 
  • Ta kanselá tur aktividat di deporte i treinen.  
  • A pone 5 ‘schuilplaats’, esta sitio pa skonde, disponibel pa tur esnan ku tin mester di esaki. Esakinan ta situá na:
    • Sentro di bario Nikiboko – Kaya Pos di Amor
    • Sentro di bario Amboina – Amboina
    • Avanti – Kaya Korona (Plasa Chiku Goeloe)
    • Krus Kòrá (Rode Kruis)– Kaya Rafaela
    • Cocari (Rincon) – Kaya Miguel Pourier 50
  • Pa hasi uso di e sitio di skonde na Krus Kòrá (Rode Kruis), tuma kontakto na 700-7001 òf 700-7002. 

Laman i áreanan rekreativo

  • Ta konsehá pa tur piskado òf doñonan di boto buska un lugá seif pa warda botonan chikí. Por warda esakinan na Marina òf otro sitionan mas seif.
  • No ta permití pa organisá ningun aktividat kantu di laman manera, kampamentu, landamentu, sambuyamentyu, kite of praktiká windsurfing.

Aeropuerto

  • Gerensia di BIA ta responsabel si aeropuerto ta keda habri òf ta sera esaki. Banda di esaki, e aerolinianan mes por skohe pa kanselá buelo òf hasi kambio. 

Turista

Mas informashon

Bishitá www.bonairegov.com pa mas tep kon prepará pa kalamidat. Einan por haña tambe un foyeto na diferente idioma ku informashon. Kòrda download e app ‘Disasterprep Bonaire’ riba bo selular pa mas tep i informashon.

Related posts

Resumen di kasonan di covid-19 na Aruba pa awe.

EA News Author

Sidney Ponson Charity Foundation trahando duro riba proyectonan

EA News Author

Dialuna 30 november ta e ultimo dia pa entrega e declaracion definitivo di winstbelasting 2019 y haci e pago corespondiente

EA News Author

Leave a Comment