E ‘Hub’ Marítimo ta bai paga èkstra tinu riba siguridat riba laman durante regata. Nan ta wak prinsipalmente kon e seadoo-nan i botonan ta komportá nan mes riba laman. Tambe Waf Chicu Mercelina (waf di nort) ta habrí solamente pa trámite di despacho, i no pa mara, ora tin un barku. Pa medio di tene Waf Chicu Mercelina habrí solamente pa trámite di despacho, tur kos ta sigui kana bon i seif durante regata.
Ta hopi importante ku e seadoo-nan ta komportá nan mes bon pa evitá desgrasia durante regata. Tin regla ku ta indiká na unda i kon rápido nan tin mag di kore pa tene tur hende seif. Esaki ta konta pa boto tambe. Nan tin ku tene nan mes na e reglanan internashonal di nabegashon pa evitá ku nan ta dal den otro. Seadoo no tin mag di kore den área blou kla durante festival di boto. Nan tin ku kore trankil tambe entre e buinan i nan no tin mag di yega pegá ku e landadónan ku ta drif riba nan figuranan yená ku aire. Boto tambe tin ku nabegá na un manera seif, sigur pa motibu ku lo ta mas drùk riba laman.
Parke Marino ta un área protehá. Pa e motibu akí boto no tin mag di tira anker. Esaki ta pa protehá Boneiru su bunita naturalesa bou di laman. Reservá bui adelantá ta yuda evitá ku ta bira muchu drùk i ku nos medio ambiente ta sufri daño.
Ofisina di Haf i entidat públiko Boneiru ta haña siguridat hopi importante durante regata. Nan ta spera un evento plasentero i agradabel pa tur hende. Nan ta pidi tur usuario di boto pa traha huntu i kumpli ku regla. Di e manera akí regata ta bira un éksito pa tur hende.
Ofisina di Haf i entidat públiko Boneiru ta deseá tur hende un regata seif i dushi!