E proceso pa Saba Tourismeplan 2023-2028 a cuminsa. E masterplan a keda mira y lo keda implementa door di Dick Pope Sr. Institute for Tourism Studies, departamento di investigacion di Rosen College of Hospitality Managmente di Universidad Central Florida (UCF). Durante di e prome seccion di informacion cu a tuma luga online tabata presente stakeholders nan cu lo mester guia e Masterplan di Turismo di Saba. Dr. Robertico Croes en Dr. Kelly Semrad a presenta e plan durante di e zoommeeting y a papia riba dicon Saba tin mester di e Masterplan di turismo, ki ora e Master plan lo cuminsa y caba , unda e investigacion a keda ehecuta, cua di e investigacionnan lo keda atende y haci , pero tambe cuanto stakholders lo forma parti di e proceso.
E master Plan di Turismo na Saba ta importante pa asina mantene e desaroyo di turismo den un termino largo. E meta ta pa e turistanan ta contento y satisfecho cu nan bishita na Saba. Pero tambe e lo ta positivo pa e economia y fundamental pa mantene e cultura di Saba bibo . Den anja 2021 a haci un Quick scan rapport unda cu a traha riba e situacion den sector di turismo y e resuldado cu a Sali di esaki ta cu Saba tin varios reto pa traha riba dje den e parti di sector di turismo na Saba. E master plan di turismo di Saba a cuminsa den luna di februari y lo mester termina den augustus mirando cu e bishita di turismo na Saba y Sint Maarten ta un hub hopi importante pa Saba.
