Zr.Ms. Den Helder a sali pa Hulanda ayera. E barku di suministro di Marina mas nobo aki tabata den awanan di Caribe pa pruebanan di wer kayente for di meimei di òktober. E barku awor ta regresá Hulanda pa eherse e proseso di preparashon na 2026 manera planiá.
Despues di bishitanan na Norfolk i New York, Ministerio di Defensa a disidí siman pasa pa laga e barku regresá Region Caribe. Komo un prekoushon adishonal, e barku tabata disponibel einan pa reabastesé. Ministerio di Defensa awor ta kumpli ku e ròl temporal aki di Zr. Ms. Den Helder ku otro rekursonan. Komo resultado, e barku awor por regresá Hulanda. Ministerio di Defensa lo keda presente den Region Caribe ku barkunan manera Zr.Ms. Groningen i Zr. Ms. Pelikaan. Hulanda tambe tin kapasidat di transporte disponibel den Reino.
Si tur kos bai bon, e tripulashon por selebrá Pasku na kas. Despues di esei, Marina lo sigui ku e proseso di preparashon di e barku manera planeá.
Pruebanan di Wer Kayente i Friu
Marina Real di Hulanda a enkargá Zr. Ms. Den Helder ofisialmente dia 1 di òktober 2025. Despues a kuminsá entrenamentu i preparashon. E barku entretantu a kompletá ku éksito e pruebanan di awa kayente den Karibe. E pruebanan aki tabata parti di e trayekto di preparashon. E humedat haltu i temperaturanan haltu di awa di laman a proveé kondishonnan ideal pa tèst kon e barku i su instalashonnan l reakshoná riba e kondishonnan aki. Despues di Pasku, Marina lo sigui ku e proseso di preparashon. Inkluyendo entre otro pruebanan den wer friu. E barku lo por keda ubika operashonalmente.