KRALENDIJK,Bonaire
Apresiabel habitantenan di Boneiru,
Pa medio di esaki mi kier hasi un yamada riba boso pa no bini ku akshon i protesta. Komo
gezaghebber mi a tende kiko boso preokupashonnan ta. Mi por sigurá boso ku mi tim i
ami ta hasi tur loke ta posibel pa salbaguardá salú di nos isla. Si boso krea intrankilidat, e
ora ei nos tin ku bai okupá nos mes ku esei. Mientras ku ta nèt awor nos tin mester di
tempu pa tuma e pasonan ku ta nesesario. I enfoká riba e responsabilidat ku nos tin. Por
ehèmpel nos a entregá un petishon pa prohibí buelo for di áreanan di riesgo kaminda e
vírùs di corona a plama. Boso por konta ku ami komo gezaghebber ta keda tene boso na
altura di e último desaroyonan. Di mi banda mi ta hasi loke ta nesesario. I mi ta verwagt
ku boso tambe ta hasi esei.
