BonaireInternacional

Komishon informado di Demokrat a risibi kontesta di UPB

Demokrat

Ayera nochi, Komishon di Informadó Demokrat a risibí kontesta di UPB riba nos invitashon, den kua UPB ta aplasa sin propone fecha alternativo nos invitashon pa bini huntu dia Djamars 21 di Mart. Naturalmente, nos por solamente respetá boso desishon den momentu aki.

Ta bon pa añadi na esaki si ku segun Lei Elektoral (Kieswet), no ta stipulá resultado final di elekshon di 15 di Mart 2023 te ku dia Djaweps, 23 di Mart 2023. Esaki no tin nada di haber ku petishon di Demokrat pa un rekonteo. Un rekonteo semper lo tuma lugá den un forma ku e no ta stroba anunsio di resultado final menshoná na tempu. Ta simplemente e lei, i nos ta sigui lei su stipulashonan.

Nos ta asumí ku UPB ta na altura di esaki, pues Komishon di Informadó no ta kompletemente komprondé e argumentashon di UPB pa no sinta ku Demokrat riba Djamars benidero, ni UPB su preferensha pa sinta prome ku otro partido, manera nos por a lesa den boso komunikado di prensa di ayera mahinta.

Nos tabata bou di impreshon ku UPB ta preferá ku e partido ku a logra na e sostèn mas grandi bou di pueblo di Boneiru lo tuma inisiativa i guia e proseso di formashon. Si ta ahinda asina ku UPB ke kumpli ku un proseso strukturá i segun deseo di pueblo, nos ta keda habrí tòg pa un kombersashon entre nos dos partido ribe termino kortiku.

Pa finalisá, nos ta hañ’e sumamente importante pa no konfundí pueblo ku informashon eróneo pa ku nos proseso elektoral segun lei. Pa motibu ei, nos lo publiká e karta aki.

Related posts

Aruba Tourism Authority celebrates 40 years of presence in Colombia

EA News Author

Dentro Di Poko Mester Paga Impuesto Di Vehíkulo Di Motor 2020

EA News Author

Tourism Corporation Bonaire ta yama bon bini na Elesiër Angel

EA News Author

Leave a Comment

Whatsapp Message