Na okashon di 200 aña di relashon diplomátiko entre Colombia i Reino Hulandes, embahada colombiano na Den Haag a regalá e bibliotekanan di Boneiru, Sint-Eustatius i Saba un kolekshon spesial di buki.
Riba petishon di Ministerio di Asuntunan di Eksterior, Enviado Spesial Edison Rijna a risibí e bukinan ku ta prosedente di Biblioteca de Escritoras Colombianas durante un seremonia na bordo di e barku di bela di tres master ARC Gloria.
Entretantu Enviado Spesial Rijna a entregá e kolekshon na diputado Peter Silberie, ku riba djaweps 13 di novèmber den forma seremonial a traspasá e bukinan pa e hefe di departamento Jennifer Pocornie-Martis di Biblioteka Públiko Boneiru.
Biblioteka Públiko Boneiru ta bisa ku e donashon ta un atkisishon spesial pa su kolekshon. E biblioteka ta verwagt ku e bukinan lo sòru pa hopi plaser di lesamentu pa habitantenan di Boneiru i ku nan lo kontribuí na interkambio i inspirashon kultural entre e islanan i Colombia.
Press release: Gobièrnu di Boneiru
