Delegacion di Aruba pa ASU2025 ta conoce 2 atleta mas
Cu nan participacion na e ultimo campeonato organisa door di Panam Aquatics “Pan American Aquatics Championships” na Medellin – Colombia, e duet di natacion artistico ta logra gana nan cupo y asina clasifica pa e Weganan Panamericano Junior ASU2025 cu lo ta
na Asuncion-Paraguay den luna di augustus benidero. Atletanan Kendra Simon y Xiana Hoo tin ta entrena y prepara nan mes henter aña pa asina awo cu e clasificacion den man, haci nan preparacion final pa bay competi na Asuncion. COA ta desea e atletanan y entrenadora
Kimberly vinck hopi exito. #TEAMARU
