Gran inicio di Copa Aruba bank Liga Oro 8×8 di Futbol Femenino a inicia ayera den stadion Frans Figaroa. Competitie Manager Harvey Clement a habri e anochi cu palabra di bon bini na tur team y fanaticadanan, un stadion bon atendi despues di un tempo basta largo bek riba cancha di Frans Figaroa
Riba prome tereno RCA ta vence Dakota 1-0, un tremendo partido cu varios tironan peligroso y bon porteria di ambos keeper. Na di 14 minuut, Genesis Hazel ta anota prome gol pa RCA. Ambos ekipo a haci nan maximo pero na final Dakota ta cay venci.
Otro banda di tereno Britannia ta sorprende Riverplate ganando 5-0, un wega cu hopi intensidad, bunita hugadanan y sigur algun tiro basta fuerte riba gol. Gol nan di Britannia anota pa Tarianna Doornkamp (2x), Julie-Ann Tromp, Daryann Flanegin y un auto gol anota door di Kimberly Poulina.
Pa finalisa e anochi Estrella ta cay venci contra La Fama 1-2, tremendo wega pa clausura e anochi. La Fama ta bai ariba na di 22 minuut e cu gol anota pa Hadassah Kock. Na di dos tempo wega a bira mas interesante unda Estrella ta anota un gol na di 42 minuut. La Fama no a keda satisfecho y na 52 minuut Jereline Werleman ta anota e ultimo gol di anochi.
Arubaanse Voetbal Bond ta gradici Aruba Bank N.V. pa nan sosten un biaha na nos Futbol Femenino.
