Diamars mainta después di a yega oficina di Landsrecherche, Otmar Oduber a wordo informa cu e ta keda deteni. Un dia prome el a ricibi un carta di invitacion pa presenta pa 9’or di mainta na oficina di Landsrecherche pa duna declaracion relaciona cu caso Flamingo. Despues di un rato a inform’e cu e ta keda deteni pa mas interogacion.
Algo mas cu un siman atras su yiu homber grandi tambe a keda deteni algun dia. Despues cu a prolonga su detencion caba, a lague bay cas den oranan di anochi.
A scucha diferente persona caba relaciona cu e caso aki y un di esnan cu a keda basta dia deteni tabata Aisha Esser, un ex campañado di Oduber.
E caso Flamingo ta relaciona cu e temporada cu el a fungi como Minister di Infrastructura den Gabinete Wever Croes I como minister di infrastructura.
