FeaturedPolitica

Minister Xiomara Maduro: Nos Florin no ta na peliger

290920 Minfec

Awor no ta momento pa informacion infunda y incorecto cu ta crea desconfiansa den nos Pais

Minister Maduro a tuma nota di e articulo di sr. Alberts titula, Posicion di Florin na peliger’ publica den Bondia Aruba di 28 di september. Den e articulo ta purba sugeri cu e emision di bono di Gobierno cu recientemente a tuma lugar lo perhudica e balor di nos Florin. Ademas sr. Alberts den su articulo ta purba desacredita Banco Central door di sugeri cu e instancia cu mester percura pa e balor di nos Florin, no a conseha Gobierno debidamente. Corectamente Banco Central a reaciona e mesun dia riba e contenido di e articulo aki, brindando informacion corecto riba e situacion di divisas na Pais Aruba y mustrando cu nos Florin no ta core peliger. Banco Central a informa cu pa promer biaha Aruba tin un reserva di divisas cu ta cubri 10 luna di importacion, cual ta hopi mas cu e 3 luna rekeri pa standard internacional.

Minister Xiomara Maduro ta lamenta cu memey di un crisis di likides ocasiona pa un pandemia, ta bin cu noticia tendencioso y incorecto. Esaki no ta sirbi e bienestar di nos Pais. Nos Florin ta representa tambe nos identidad como Pais y esey no ta algo pa haci wega (politico) cune. Como experto mester a percura pa busca informacion corecto ora ta duna opinion y como periodista mester a busca e otro banda di medaya promer cu publica algo cu ta atacha locual nos Pais y su hendenan ta identifica nan mes cune. Un crisis ta exigi cu tur hende mester asumi nan responsabilidad pa evita cu ta bin mas crisis. Awor no tin espacio pa informacion infunda, incorecto cu ta crea desconfiansa sin tin mester den nos Pais.

290920 Banco Central 01290920 Banco Central 02290920 Banco Central 03

Related posts

Sra. Trudy Hassel: Paso Legal lo cuminsa contra medio cu ta insinua y atacha integridad di mi persona

EA News Author

Curso di presupuesto na Saba ta pa haya mas conocemento financiero personal

EA News Author

SKOA a nenga pa Sint Aloysius School keda construi bao di un sistema nobo

EA News Author

Leave a Comment

Whatsapp Message