Mission cumpli

Despues di a completa su asignacion di dos siman conduciendo experimento na e polo sur lunar, e agencia espacial di India a pone su prome rover lunar, ‘drumi’. E rover Pragyan for di e nave Chandrayaan-3 a wordo poni den ‘modo di drumi’ pero cu batería carga y receptor sendi, e organizacion Indiano di Investigacion Espacial (ISRO) a bisa den un post riba e red social ‘X’, anteriormente Twitter.

 “Sperando cu por ‘lanta’ e rover di soño pa otro asignacionnan”, ISRO a bisa. “Si esaki no ta e caso, e lo keda pa semper e emahador lunar di India”. Cu e aterizahe aki riba luna, India ta uni cu su mes cu paisnan grandi manera Estados Unidos, China y Union Sovietoco. Den caso di India, e la logra surpasa e otro paisnan cu tambe a yega di ateriza riba luna simplemente pa yega e polo sur, cu ta un terreno abrupto. Pragyan a biaha mas cu 100 meter, 330 pia, confirmando e presencia di sulfuro, hierro, oxigeno y otro elementonan riba e luna, ISRO a splica.

E aterizahe suave di Chandrayaan-3 despues di un intento fracasa na 2019 a provoca alegria amplio den e pais mas pobla na mundo. E medionan di comunicacion a elogia e aterizahe como e logro sientifico di mas grandi di India.

Awor, India tas pera riba e éxito di un sonda lansa diabierna ultimo, pa studia e solo. E meta ta pa observa viento solar cu por causa perturbacion riba tera, cu ta wordo yama aurora. “E satélite ta saludabel y den orbita di tera”, ISRO a bisa, mientras e satélite ta prepara pa su biahe di 1.5 miyon kilometer.