Durante e di dos dia di Pasco, lamentablemente a sosode un caso di tiramento na Koningstraat, un area ya conoci pa diferente actividad ilegal. Koningstraat a bira mas peligroso aña tras aña y e problema a escala recientemente. Polis reconoce escalacion di problema na Koningstraat.
Den careda di 3 or di madruga central ta wordo notifica di un caso di tiramento den Koningstraat, e prome informacion cu polis a haya ta indica cu dos hende homber lo mester a pasa tira y huy den un auto blanco. Na momento cu patruya a yega a encontra huls , perforacion y vleknan di sanger.
Recherche a tuma contacto cu Hospital pa asina tuma nota si tin un persona ta yega herida na Hospital pa asina informa 100 dibiaha. Segun vocero di polis casi 1 ora y mey despues un persona herida a yega hospital cu tiro den su curpa y mesora polis a wordo informa.
Na e momentonan aki e victima ta stabiel y ta di nacionalidad Colombiano y tin 29 aña. Cuerpo policial ta haci un yamada na comunidad di Aruba pa tur esnan cu por a mira algo y of sa di algo por yama riba e tipline di polis cu ta 11141.