Dia promé di desèmber último, Tourism
Corporation Bonaire (TCB) a duna rekonosementu na sr. Jim Nuckolls di Merka
komo embahador di Boneiru. Jim no ta un persona deskonosí na Boneiru, debí ku
den pasado tambe el a haña rekonosementu komo embahador den diferente
kategoria.
Segun e añanan tabata transkurí, semper el a hospedá na Captain Don’s Habitat.
Su promé estadia na e hotèl akí tabata na aña 1994. “Mi tabata un bon amigu di
Captain Don i Jack Chalk, awe ámbos den felis memoria,” asina Jim Nuckolls a trese
dilanti.
E biaha akí Jim a trese su esposa tambe Boneiru. Jim ta selebrá su 71 aña di bida
na nos isla huntu ku tur su amistatnan na Captain Don’s Habitat.
Helen Mercera di TCB huntu ku Claire Sealy, managing director di Captain Don's
Habitat, a hasi entrega di un plakat di platina i e sertifikado korespondiente na nos
embahador.