Mientras cu na Aruba solo ta bria y temperatura ta agradabel, na Hulanda sneew ta cay constantemente for di mainta trempan. Den varios parti di pais, incluyendo e costa, e centro y e regionnan mas na nort, paisahe a cambia den un manta blanco di sneew.
Na lugarnan manera Amsterdam, Utrecht, Rotterdam, y tambe den region di Noordwijk, sneew a cuminsa cay desde e oranan di mainta. Caminda, parkenan y caminda ta cubri cu sneew, creando un atmosfera tipico di invierno Hulandes.
Segun Arubiano nan cu ta biba na Hulanda, e aña aki sneew ta cay mas frecuente cu loke nan tabata custumbra den e añanan pasa. Varios di nan a comparti cu temperatura nan a keda bou di cero y cu sneew ta cay casi tur dia, loke a trece condicionnan resbaloso riba caminda y a causa retrasonan den trafico publico.
A pesar di e frio, hopi hende ta disfruta di e paisahe di invierno, cu famianan y mucha ta sali pa disfruta di sneew y schaats riba lago cu a congela.
Mientras tanto, Arubiano nan na Hulanda ta compara e frio intenso cu e calor tropical di cas, recordando cu na Aruba solo ta sigui bria y lama ta invita nan pa un dushi dia di playa y pa bin cas bek.