E Inspection of Economic and Transport Affairs (IETA) a reporta un aumento significativo den control y enforcement di transporte publico durante e periodo di juni te december 2025, cu mas cu 30.200 na multa emiti den sector di transporte.
E aumento den actividad di enforcement ta coincidi cu un fortalecemento di capacidad operacional den e Inspecto, cu a resulta den mas control nan na caminda, miho cobertura y monitor mas intensivo di operadonan di transporte publico.
E luna di september y november a registra e nivelnan mas halto di enforcement, cu cada un superando 7.900 na multa.
Durante e periodo aki, inspectornan a identifiká varios violacionnan cu tabata repiti, incluyendo:
- Operacion di transporte di pasahero sin e permiso obligatorio;
- No cumpli cu e rekisitonan di inspeccion di vehiculo (Keuring);
- Violacionnan di standard di servicio segun e Decreto Nacional di Transporte di Pasahero, manera condicion insigur di vehiculo, maneho inapropia di pasaheronan y no cumpli cu obligacionnan operacional minimo;
- Practicanan ilegal di tarifa;
- Uzo di vehiculo priva pa transporte comercial di pasahero;
Busnan y taxi a conta pa mayoria di e violacionnan, cu varios caso unda vehiculo priva tabata operando ilegalmente como transporte publico.
E Hefe di e Inspectorate, Lucien Wilson, a indica cu e resultadonan di enforcement ta refleha e compromiso di IETA pa mehora siguridad, profesionalismo y husticia den sistema di transporte publico.
“E resultadonan aki ta demostra e importancia di enforcement consistente y visibel. Nos enfoke ta sigui riba siguridad di pasahero y pa garantisa cu operadonan cu ta cumpli cu e ley ta wordo proteha contra practicanan insigur y desleal,” Wilson a bisa.
E IETA – Sesion Transporte lo sigui cu inspeccionnan rutinario y dirigi den e lunanan venidero, cu prioridad riba riesgonan di siguridad, cumplimento di permiso y standarnan di calidad di servicio.
Tocante IETA
E Inspector of Economic and Transport Affairs (IETA) ta funciona bou di e Ministerio di Turismo, Asuntonan Economico, Transporte y Telecomunicacion (TEATT), cu e meta pa mantene siguridad, transparencia y cumplimento di ley den sector di transporte y economico di Sint Maarten.
