Minister di Turismo, señor Wendrick Cecilia, a expresa su pesar riba un incidente lamentabel cu a tuma luga recientemente na un hotel na Aruba, un acontecimento cu, segun e minister, no ta comun pa nos dushi Aruba.
Durante su declaracion, Minister Cecilia a duna palabra di aliento na e trahadonan cu a keda involucra den e situacion, y tambe a expresa su condolencia na famia. E minister a subraya e impacto emocional cu un evento di e naturaleza aki por tin riba personal cu ta den servicio.
Minister Cecilia a informa cu lo tuma contacto cu e hotelnan concerni pa evalua con ta atende cu e bienestar emocional di empleadonan cu por a queda den shock durante oranan di trabou, resaltando e importancia di apoyo y acompañamento den momentonan dificil.