Maria Claudia Tarazona, casa di e senador a despedi’e cu un mensahe den cual el a gradici e amor comparti, a resalta su rol como tata y a priminti di cuida su yiunan, expresando cu nan vinculacion ta trasciende bida fisico.
E pais a amanece awe 11 di augustus 2025 cu e noticia di e fayecimento di Miguel Uribe Turbay, senador di e Republica y precandidato presidencial, kende a fayece den madruga di e awe dialuna na e Fundacion Santa Fe di Bogota despues di complicacionnan di e atentado cu el a sufri dia 7 di juni durante un acto politico na e capital.
Uribe Turbay, di 38 aña, a keda den estado critico pa mas di dos luna despues di haya varios golpi di bala, un di nan den cabes, mientras e tabata saludando simpatisantenan na un evento di campaña. For di e momento ey, su evolucion a presenta momentonan di mehoracion, cu hasta a permiti e inicio di un fase di neurorehabilitacion, pero su salud a deteriora atrobe den e ultimo dianan pa motibo di un hemorragia den sistema nervioso central.
E morto di e congresista a ser confirma algun minuut prome cu su casa, Maria Claudia Tarazona, a comparti un mensahe emotivo riba rednan social. Den e post, el a publica un potret banda di su esposo y a dedica un par di palabra cu a resona entre su siguidonan:
Semper lo bo ta e amor di mi bida. Danki pa un bida yen di amor, danki pa ta un tata pa e muchanan, e miho tata pa Alejandro. Mi ta pidi Dios pa mustra mi e caminda pa mi siña biba sin bo. Nos amor ta transcende e plan fisico aki. Confia den mi, cu ora mi cumpli cu mi promesa cu nos yiunan, lo mi bin busca bo t nos lo tin nos di dos chens. Descansa na paz amor di mi bida, mi lo cuida nos yiunan.
E atentado na Bogota
E atake contra Uribe Turbay a tuma luga riba diabierna 7 di juni di 2025 na e bario di Modelia, paden di Bogota. E senador tabata participa den un evento di campaña y tabata dirigi na e multitud ora un adolescente, camufla entre e assistentnan, a tira riba dje for di un distancia hopi corto. E congresista a ricibi tres golpi di bala: un den su pianan y dos den su cabes. E atentado a sosode mientras e tabata papia riba e importancia di salud mental.
Esunnan presente a actua mesora. Uribe Turbay a wordo transporta prome pa clinica Medicentro y, mirando e gravedad di e heridonan, a wordo manda pa Fundacion Santa Fe pa su atencion di emergencia.
Reaccion y rechasamento contra violencia politico
E asesinato di Uribe Turbay a genera reaccion di rechaso den henter e pais y a reactiva indignacion contra violencia politico. Diadomingo 15 di juni miles di hende a marcha den diferente Ciudad manera Cartagena, den silencio, pa pidi husticia y manifesta nan repudio.
Senadora Maria Fernanda Cabal a expresa: Cu profundo dolor mi ta ricibi e noticia di morto di nos compañero y precandidato Miguel Uribe, despues di dos luna di lucha balente pa su bida. Mi curason y oracionnan ta cu su famia y sernan keri. Dios duna boso forsa den e momento di tristesa inmenso aki. Awe Colombia ta perde un homber di integridad, cu tur e capacidad y e compromiso pa yuda construi un miho pais.
Miguel Uribe Turbay a nace na Bogota dia 28 di januari 1986, den seno di un famia cu un largo trayectorio politico. Su wela materno tabata ex-presidente Julio Cesar Turbay y su wela paterno, Rodrigo Uribe Echavarría, a dirigi e Partido Liberal. Na cinco aña di edad el a perde su mama, e periodista Diana Turbay, durante un operacion di rescate a faya despues di su secuestro ordena pa Pablo Escobar.
El a forma na Colegio Los Nogales y a studia Derecho na Universidad de los Andes, despues cu un maestria den Politica Publica. Na edad di 25 aña el a wordo scoge como consehero di Bogota, despues el a ocupa e Secretaria di Gobierno den e alcalde Enrique Peñalosa. Den e eleccionnan di 2022 e tabata e senador mas voto di e pais pa Centro Democratico.
Miguel Uribe Turbay ta laga su esposa, Maria Claudia Tarazona, y su yu homber, Alejandro. Su bida y su carera a keda interumpi dor di un acto di violencia, den un echo cu a pone e siguridad di lidernan politico na Colombia y e persistencia di violencia como menasa pa democracia den discusion atrobe.