SocialFeaturedLocal

SR. Richard Dabian ta presenta su buki nobo na prome minister

Sr.richard Dabian

E di 28 edicion di e Kinderboek festival 2020, cu ta hiba e tema, Tempo di mi tempo, ta tuma luga e aña aki na un manera virtual diabierna 30 di October atardi y por wak esaki na e canal di television 49.

E conexion cu esaki, sr. Richard Dabian, outor local, a presenta na Prome Minister Evelyn Wever-Croes su buki nobo cu e titulo ‘Tekki e toteki. Papiamento ta topa ku Papiamentu’ na Papiamento. E buki a wordo ilustra pa Gairo Tromp. Sr. Dabian a honra e tema di e aña aki y ta bay den historia cu dichonan di antes. Un buki pa conscientisa nos muchanan pa no perde ilusion pero sigui kere den nan mes pa logra nan metanan.

 

Prome Minister a gradici sr. Richard Dabian pa e aporte cu e ta duna na lesamento di buki pa nos muchanan y a keda hopi impresiona cu e mensahe positivo cu e buki ta contene.

Gobierno ta gradici tur esnan cu ta pone lesamento di buki un prioridad. A traves di lesamento di buki, un mundo nobo yen di aventura y conocemento ta habri pa nos muchanan. Tambe lesamento di buki ta inspira nos muchanan y lanta nan interes den studiamento. Den esaki, no ta solamente scolnan ta hunga un rol, pero tur mayor ta hunga un rol hopi grandi pa inspera e interes den nan yiunan pa lesa buki. Ban stimula nos muchanan pa lesa y pa asina habri un mundo di Aventura y conocemento pa nan”, Prome Minister Evelyn Wever-Croes a expresa.

Related posts

Deonarine Fluonia un ehempel den mundo di Bodyguard

EA News Author

Acto di burdugo haci pa ex miembro di partido MAS Alberto Groeneveld

EA News Author

Durante 12 siman empresarionan den agricultura lo siña traha nan propio plan

EA News Author

Leave a Comment

Whatsapp Message