Bonaire

Renobashon di matadero ta den pleno marcha

Foto Moment Ku Diputado Kroon Pa Matadero...2

E luna akí renobashon di matadero a kuminsá ofisialmente. Pa memorá e logra akí a presentá e matadero temporal na diputado Kroon. E renobashon kompleto lo dura mas òf ménos un aña. Pa laga e trabounan di e matadero kontinuá durante e renobashon a skohe pa bini ku un matadero temporal. E matadero temporal ta konsistí di tres kònteiner ku nan a pone riba tereno di e aktual matadero. E kònteinernan akí lo bai sirbi komo refrigerashon, espasio pa mata bestia, ofisina i espasio pa kambia paña. Instalashon di e kònteinernan ta tumando lugá ainda. Na momentu ku e kònteinernan ta kla pa uso, lo pasa e trabou di matamentu di bestia pa e kònteinernan temporal.  Renobashon di e matadero ta un proyekto konhunto di ministerio di Agrikultura, Naturalesa i Kalidat di Kuminda i Entidat Públiko Boneiru. Asina ku e renobashon ta kla, lo pasa e trabounan ku ta tuma lugá den e kònteinernan bèk atrobe pa e matadero nobo.   

Related posts

Hopi sabiduria di antes no ta wordo respeta y implementa mas na Boneiro

EA News Author

Tweede Kamer na Hulanda unanimamente a aproba mocion di Partido D66 pa pone test di COVID19 obligatorio na Boneiro

EA News Author

Maneha situacionnan laboral dificil cu ta presenta na trabao no mester ta un problema

EA News Author

Leave a Comment

Whatsapp Message