LocalPolitica

Minister Dowers ta huramenta cinco funcionario como BOA

Minister Arthur Dowers 4

Minister di Husticia, Integracion, Transporte Publico y
Energia, mr. drs. Arthur Dowers, a huramenta cinco funcionario como Buitengewoon
Opsporingsambtenaar (BOA).
E grupo ta consisti di un funcionario di Landsrecherche y cuatro funcionario di
Departamento di Impuesto.
Cu e huramentacion aki, e cinco funcionarionan ta ricibi e autoridad necesario pa ehece
tareanan specifico di investigacion y aplicacion di ley, den e limite di nan competencia y
responsabilidad.
Durante e ceremonia, Minister Dowers a enfatisa e importancia di profesionalismo,
integridad y responsabilidad den ehecucion di tareanan di investigacion. E minister a
remarca cu e autoridad cu un BOA ta ricibi ta bin cu un responsabilidad grandi, ya cu
cada accion mester ta basa riba ley, imparcialidad y respet pa derecho di ciudadano.
E huramentacion ta representa un paso importante den fortalecemento di capacidad di
investigacion y supervision den servicio publico. Tanto Landsrecherche como
Departamento di Impuesto ta cumpli un rol importante den garantisa cumplimento di ley
y proteccion di interes publico.
Minister Dowers a felicita e cinco funcionarionan cu nan huramentacion y a desea nan
hopi exito den ehecucion di nan responsabilidadnan nobo.
Cu e huramentacion aki, Gobierno di Aruba ta sigui inverti den fortalecemento di
institucionnan publico, promoviendo integridad, profesionalismo y un ehecucion efectivo
di ley.

Minister Arthur Dowers 2Minister Arthur Dowers 3Minister Arthur Dowers 1

Related posts

Armand Hessels :Petishon di sdba pa transparencia y participashon

EA News Author

Centro Integral Bio Aruba Quantico ta traha hunto cu Fundacion amigos di mucha cu con Cancer pa un solo meta

EA News Author

Pronostico di tempo diadomingo 28 di mei 2023

EA News Author

Leave a Comment

Whatsapp Message