A.T.A: Resultado te cu november 2023

‘Compara cu 2019; volumen a crece cu 10% mientras cu nivel di entrada a crece aun mas’

NOVEMBER 2023 DEN COMPARACION CU 2019 Y 2022

Den luna di november 2023 nos destinacion a ricibi un total di 104,627 bishitante “stay-over”. Si compara luna di november 2023 cu november 2019 – cu tabata e ultimo aña normal di turismo, por mira cu Aruba a recupera 110% di locual a wordo ricibi na november 2019, cu ta indica un crecemento di 10%. Si compara november 2023 cu november 2022 por wak un crecemento di 15%.

AVERAHE DI PATRONCHI DI GASTO PA CADA BISHITANTE DEN Q2 2023
Visa Credit card su averahe den gasto pa cada cardholder a yega na un suma di $667 den Q3 si compara $625 den Q2, cu $667 den Q1 2023. Mastercard su averahe den gasto pa cada cardholder a yega na un suma di $693 den Q3 si compara $691 den Q2, cu $740 den Q1 2023.

MERCADONAN Y CATEGORIANAN DI ACOMODACION 

Den november 2023 80% di e total di e bishitantenan “stayover” pa Aruba a bishita for di Norte America, 7.6% a bishita for di Europa, 11% a bishita for di Latino America y 3% tawata procedente di otro partinan di mundo. 

Mirando e categorianan di acomodacion, den november 2023 27% di bishitante a keda den hotelnan European Plan, 18% a keda den hotelnan All-Inclusive, 27% a keda den Timeshare y 27% a keda den otro tipo di acomodacion, conoci tambe como vacation rentals. 

VACATION RENTALS 

Ta importante pa menciona cu A.T.A. tin acceso na un plataforma unda por wak e cantidad di cas, apartamento y villas cu ta wordo uza como vacation rentals como tambe e prijs averahe pa anochi, e ocupacion y un calculacion di e entrada cu esakinan ta genera.

Si compara november 2023 cu november 2022 por wak cu e ocupacion averahe di e acomodacionnan aki a subi cu 4.6 punto di porcentahe, for di un averahe di 51.7% na november 2022 pa un averahe di 56.3% na november 2023. Si compara november 2023 cu november 2019 por wak cu e ocupacion averahe di e acomodacionnan aki a crece cu 11.3 punto di porcentahe, for di un averahe di 45% na november 2019 pa un averahe di 56.3% na november 2023. 

Den caso di entrada, si compara november 2023 cu november 2022 por wak cu e categoria a genera un crecemento den entrada di 63%. Si compara november 2023 cu november 2019 por wak cu e categoria a genera un crecemento den entrada di 237%. 

  2023 (Esaki ta e YTD)

Te cu november 2023, Aruba a ricibi un total di 1,116,223, bishitante “stayover”, esaki ta un crecemento di 9.6%, compara te cu november 2019, unda a a ricibi 1,018,231 bishitante “stayover”. Si compara e prome 11 lunanan di 2023 cu e prome 11 lunanan di 2022, por wak un crecemento di 12.7%, bayendo for di 990,562 bishitante “stayover” pa 1,116,223 bishitante “stayover”.

2023 YTD Entrada ta sigui crece aun mas 

Ta midi entrada, es decir e ‘calidad’ di bishitante’, na diferente manera. Entre otro locual bishitantenan ta dispuesto pa paga pa un anochi di estadia y entre otro pa medio di Tourism Credits registra pa Banco Central di Aruba. Den Q3 di 2023, Tourism Credit a aumenta cu 27% si compara e mesun periodo na 2019. Ora nos compara Q3 di 2023 cu Q3 di 2022, Tourism Credit a aumenta cu 3%. Den e periodo di Q1 te cu Q3 di 2023, Tourism Credit a aumenta cu 15% si compara mesun periodo na 2022 y a aumenta cu 25% si compara cu 2019.

Pa ricibi A.T.A. su ‘Statistical Monthly Report’ tur luna, por contacta Melanie Kelly na m.kelly@aruba.com