Esteban Paesch ta un ciudadano cu a sali padilanti pa asina conta su situacion di loke cu e la pasa aden. Mirando loke e la pasa debi cu e asestioloog di hospital a dune anestecia sea ta di dosis robes of ta na caminda robes a prik, awe e ta sinta cu ningun dokter no kier opera su rudia. Su deseo di mas grandi ta pa opera su meniscus.
Sinembargo den su prome declaracion y entrevista Eateban Paesch ta acusa dokter petronilia di a duna anestecia, esaki no ta cuadra cu realidad, e ciudadano Esteban Peasch kier a clarifica cu no ta dokter petronilia a dune e hangua y e no tabata den e camber di operacion e momento ey tampoco, pero si e anesthesioloog cu tabata esun encarga e dia ey pa duna e anestesia prome cu e dokter drenta camber di operacion pa por opera.
Dokter petronilia no tin nada di haber cu e parti aki cu mester a haya anestesia, full e proceso aki ta responsabilidad di e anesthesioloog. Awe te ainda sr. Esteban Paesch ta sufri di e mal decision di e anesthesioloog unda cu practicamente , segun e ciudadano Esteban Paesch e la wordo mata y despues a re anime bek.
Te ainda e ta corda fresco den su memoria kico a pasa y te ainda e ta haci dolor mirando cu awe e por ta morto si no a logra re anime. Sinembargo esaki no ta e problema grandi mes, loke cu tin sr Esteban Paesch preocupa ta debi loke a pasa cu ne den man di e anesthesioloog, awe ningun dokter na Aruba kier opera su rudia unda cu e ta sinti hopi dolor den su meniscus y preacticamente ta bisti un faha duro pa por wanta e rudia y cu e por cana y haci algun trabao.
Segun Sr. Esteban Paesch si e dokternan na Aruba no kier opera debi di e mal trabao di e anesthesioloog a haci unda cu a para su curason, su deseo ta di bay afo pa e por wordo opera. Na mes momento sr Esteban Paesch sa cu e no por bay afo paso AZV no ta cubri esaki, pero e ora su derecho como pashent unda e ta keda ?
E situacion tin e ciudadano Esteban Paesch preocupa y molestia y no sa cua ta e caminda cu e mester cana pa por mira kico ta e posibilidad nan cu e por tin pa alsnog e por opera. Segun e ciudadano ta parce cu e la wordo sacrifica y mata, cada bes cu pensa riba e momento e ta haya un tristesa y un dolor den su curason, practicamente a keda trauma y cu hopi miedo cu e situacion aki por pasa un biaha mas y cu e por muri.
Segun Esteban Paesch no ta ataca di curason e la haya, pero door cu e anesthesioloog a prik e un mal caminda den Esteban Paesch su punto di bista, esaki a conduci cu e la para su pulmon y curason, esaki kiermen cu mi a wordo mata, despues cu re animacion nan a ponemi bin bek.
Segun Esteban Paesch na momento cu mi a muri y no sa nada mas, despues mi a wordo re anima y a biba bek ,casa a bin bisa su persona cu hasta dokter a bin cerca dje trece su pañanan y avisa su casa cu nan a perde, dus cu mi a muri. Un momento di tristesa y panico cu te dia di awe ta un trauma.
Despues di e situacion aki, Esteban Paesch a bay dokter petronilia pa un otro situacion una cu a keda opera na su parti intimo y e trabao di e dokter tabata hopi bon y mi a keda bon y no a sinti ningun di e problemanan despues cu e keda opera door di dokter petronilia y semper lo keda gradici pa e bon trabao di dokter petronilia.
Na prome instante a haci keho na HAVA , pero awe no ta desea di busca un problema ya cu e situacion aki a pasa 4 aña pasa, pero e deseo ta si pa un dokter opera su meniscus, mi ta trece e storia aki awe padilanti paso mi tin 4 aña ta luchando y buscando un manera pa por opera mi meniscus, pero debi di loke cu a pasa cu e anesthesioloog ningun dokter no kier operami y tampoco AZV no kier / por mandami afo, pero si mi ta desea pa AZV dunami un contesta di kico por ta un solucion paso no por biba mas cu e dolor di rudia unda cu e meniscus ta completamente kibra.